ފުލުހުން ބުނި ގޮތުގައި އެ ދޯނި އަޑިއަށް ދިޔައީ ށ. ފުނަދޫއިން ފީވަކަށް ދަތުރުކުރަމުން ދަނިކޮށެވެ.
އެ ހާދިސާގެ މައުލޫމާތު ފުލުހުންނަށް ލިބުނީ ހެނދުނު 11:50 ހާއިރު ކަމަށް އެ އިދާރާއިން ބުނެ އެވެ.
މި މައުލޫމާތު ލިބުމާއެކު ފުލުހުންގެ ލޯންޗު އެސަރަހައްދަށް ގޮސް ބަލަމުންދަނިކޮށް ދޯނިން ދަތުރުކުރި މީހާ ފީވަށް ކައިރި ކަނޑުތެރެއިން ފެނިފައިވޭ ކަމަށް ފުލުހުން ބުނެ އެވެ
އަދި މި މީހާއަކީ 68 އަހަރުގެ ފިރިހެނެއްކަމަށާއި އެ މީހާ ސަލާމަތްކޮށް ފުލުހުންގެ ލޯންޗުގައި ފީވަކަށް މިހާރު ވަނީ ގެންގޮސްފަ ކަމަށް އެ އިދާރާއިން ބުނެ އެވެ.
އެ އިދާރާއިން ބުނީ އެމީހާގެ ހާލު ރަނގަޅުކަމަށާއިއިތުރު މީހަކު އެ ދޯނިން ދަތުރެއް ނުކުރާ ކަމުގައި އެވެ.
އެ ދޯނީގެ ބައެއް ތަކެތި އޮޔާ ދާތީ އެ ސަރަހައްދުން ދަތުރުކުރާ ފަރާތްތަކުން ސަމާލުވުމަށް ފުލުހުން ވަނީ އެދިފަ އެވެ.
