ހޯމް މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ސީޕީ ނަވީން ވިދާޅުވީ ކުޑަކުދިންގެ ކަންތައްތައް ވަރަށް ކަންބޮޑުވާ ހިސާބަށް ގޮސްފައިވާކަމަށެވެ. އެގޮތުން ފުލުހުން މަގުމަތު ޕެޓްރޯލް ކުރަމުން އަންނައިރު ކުށުގެ ވެށިތައް ކަމަށް ބެލެވޭ ތަންތަނުން މިހާރު މުޅިން ހެން ފެންނަނީ އާ މޫނުތައްކަން ފާހަގަ ކުރައްވަމުން ނަވީން ވިދާޅުވީ އެތަންތަނުން ފެންނަނީ 18 އަހަރު ނުވާ ކުޑަކުދިންކަމަށެވެ.
ކުށިގެ ވެށިތަކުން ކުޑަކުދިން ކަންބޮޑުވާ އަދަދަކަށް ފެންނަމުން އަންނަކަން ފާހަގަކުރައްވަމުން ނަވީް ވިދާޅުވީ މިހާރު ކުރާކަމަކީ އެ ކުދިންނާއި ސުވާލުކޮށް ދޫކޮށްލުންކަމަށެވެ. އެ ކުދިން ކުށުގެ ރިކޯޑް ނެތުމުން މިވަގުތު ދޫކޮށްލިނަމަވެސް ކުރިޔަށް އޮތްތަނުގައި އެކު ޑިން ކުށުގެ ތެރެއަށް ވަނުމުގެ ބިރުއޮތްކަން ނަވީން ފާހަގަކުރެއްވިއެވެ.
ނަވީންވަނީ ބެލެނިވެރިން މިކަން ކަމަށް ސަމާލުވުމަށް ބެލެނިވެރިންނަށް އިލްތިމާސްކުރައްވާފައެވެ.
ކުށް ކުރާ ކުޑަކުދިން އަނބުރާ މުޖުތަމައަށް ގެނައުމަށް ހިންގާ ޕްރރޮގްރާމްގެ ތެރެއިން މިވަގުތުވެސް 160 ވުރެ ގިނަ ކުދިން ޖުވައިނަލް ޖަސްޓިސްގެ ބެލުމުގެ ދަށުގައި ތިބިކަން ހޯމް މިނިސްޓްރީން މިއަދު ވަނީ ހާމަކޮށްފައެވެ.
