ފަތުވާ މަޖިލިހުން މި ފަތުވާ ނެރުނު އިތު ރާއްޖޭގެ ހުރިހާ މިސްކިތެއްގައި ހެން އެކި ޑިޒައިންތަކަށް ސުތުރާ ހަދާ އަންނަނީ ބޭނުންކުރަމުންނެވެ.
ފަތުވާ މަޖިލިހުން ސުތުރާއާ ގުޅޭ ގޮތުން ނެރުނު ފަތުވާގައި ބުނީ ގިނަ ފިގުހު އިލްމުވެރިންގެ ނަޒަރިއްޔާއަކީ ސުތުރާ ބެހެއްޓުމަކީ ސުންނަތެއް ކަމަށާއި ނަމަވެސް ފަހުގެ ބައެއް އިލްމުވެރިން ސުތުރާ ވާޖިބު ކަމަށް ވެސް ވިދާޅުވާ ކަމަށެވެ.
ރަސޫލާގެ ޒަމާނުގައި މިސްކިތުގައި ސުތުރާއަށް ބޭނުންޖެހިފައި ވީއިރުވެސް އެކަމަށް ހާއްސަ އެއްޗެއް ބަހައްޓާފައި ނުވާ ކަަމަށާއި އެހެންނަމަވެސް މިސްކިތުން ބޭރުގައި ނަމާދު ކުރައްވާއިރު ސުތުރާ ބެހެއްޓެވިކަން ސާބިތުވާ ކަމަށް ފަތުވާގައި ވެެއެވެ އަދި އެގޮތަށް ސުތުރާގެ ގޮތުގައި ބަހައްޓަވައިފައިވަނީ އެހެން ކަންކަމަށް ބޭނުންކުރާ ތަކެތިކަމަށްވެސް ފަތުވާ މަޖިލިހުން ނެރުނު ފަތުވާގައި ވެއެވެ.
ފަތުވާ މަޖިލީހުން ބުނީ މިސްކިތުގެ ތެރޭގައި ވަކި ހާއްސަ އެއްޗެއް ހަދާ ސުތުރާގެ ގޮތުގައި ބެހެއްޓުމަކީ އަލަށް އުފެދިފައިވާކަމެއްކަމަށެވެ. އަދި މިކަމުގައިވެސް ފިގުހީ އެހެން މައްސަލަތައް ފަދައިން ހިލާފު އުފެދިފައިވާކަން ފަތުވާ މަޖިލިހުން ބުނެއެވެ.
އިލްމުވެރިންގެ ތެރެއިން އެއްބަޔަކު ދެކެވަޑައިގަންނަވަނީ މިކަމަކީ ހެޔޮ ކަންކަމަށް އެހީތެރިވުމުގެ ތެރޭގައި ހިމެނޭ ކަމެއްގެ ގޮތުގައި ކަމަށްވީ ނަމަވެސް އިލްމުވެރިންގެ ތެރެއިން އަނެއްބަޔަކު މިކަން މަނާކުރައްވާކަމަށްވެސް މަތީ މަޖިލީހުން ނެރުނު ފަތުވާގައިވެއެވެ.
