ކޭ ޕާކް ފްލެޓްތައް ވިއްކުމުގެ ނަމުގައި ގިނަ ބައެއްގެ އަތުން ފައިސާ ނެގިކަމުގެ ތުހުމަތުވާ މަންޑޭގެ މައްޗަށް އެ މައްސަލާގައި ހުކުމް އިއްވުން އޮތީ މާދަމާއަށް ތާވަލުކޮށްފައެވެ.
އޭނާ އެންމެ ފަހުން އޮތް ޝަރިއަތަށްވެސް ހާޒިރުނުވުމުން، އޭނާ ހައްޔަރުކޮށްގެން ކޯޓަށް ހާޒިރުކުރަން ފުލުހުންގެ މައްޗަށް އޮތީ އަމުރުކޮށްފައެވެ.
އެކަމަކު ރިޕޯޓްތައް ބުނާ ގޮތުން އޭނާ ހޯދުމުގެ މަސައްކަތުގައި ފުލުހުންނަށް މިހާތަނަށް ކާމިޔާބެއް ލިބިފައެއް ނުވެއެވެ.
މި މައްސަލަތަކާ ގުޅިގެން، ޝަރިއަތް ނިމެންދެން ކުރިން ބަންދުކޮށްފައި ހުރި މަންޑޭ ދޫކޮށްލީ، ޝަރީއަތަށް އެއްބާރުލުން ދިނުން ޝަރުތުކޮށްފައެވެ. ބަންދުން ދޫކޮށްލިއިރު، އެއްބާރުލުން ނުދޭނަމަ ބަންދުކުރަން އަނެއްކާ ވެސް އަމުރުކުރައްވާނެ ކަމަށް ވެސް ގާޒީ ވިދާޅުވި އެވެ.
