ހަޔަ އެޑިއުކޭޝަން މިނިސްޓްރީން ރޭ ސޯޝަލް މީޑިއާގައި ކުރި ޕޯސްޓެއްގައި ބުނީ ސްޕީޗު ތެރަޕިސްޓުންނާއި އޮކިއުޕޭޝަނަލް ތެރަޕިސްޓުންނާއި ބިހޭވިއާ ތެރެޕިސްޓުން އަދި ސައިކޯ ތެރަޕިސްޓުން ހިމެނޭހެން 250 ދިވެހި ތެރަޕިސްޓުން ތަމްރީނުކުރުމުގެ ގައުމީ މަޝްރޫއެއް ފެއްޓެވުމަށް ރައީސް މުއިއްޒު ނިންމަވާފައިވާ ކަމަށެވެ.
އެ މަޝްރޫއު ފަށަނީ އަންނަ މަހު ކަމަށް މިނިސްޓްރީން ބުންޏެވެ.
އަންނަ އަހަރަށް ފާސްކުރި ބަޖެޓުގައި އެންމެ އިސްކަން ދީފައި އޮންނާނީ ސިއްހީ ދާއިރާއަށް ކަމަށާއި އެ މަނިކުފާނުގެ ސިޔާސަތަކީ ސަރުކާރުން އެ ދާއިރާއަށް ބޮޑު އިންވެސްޓްމެންޓެއް ކުރުން ކަމަށް ރައީސް ވަނީ ދާދިފަހުން ވިދާޅުވެފަ އެވެ.
ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ)އިން މިދިޔަ މަހު, ނުކުޅެދުންތެރިކަން ހުންނަ ކުޑަކުދިންނާއި މީހުންގެ ތެރަޕީއަށް 12.4 މިލިއަން ރުފިޔާ ހަރަދުކޮށްފައިވާ ކަމަށް ތަފާސްހިސާބުން ދައްކަ އެވެ.
ތެރަޕީގެ ބާވަތުން ކުރި ހަރަދަށް ބަލާއިރު، 3.5 މިލިއަން ރުފިޔާއާއެކު އެންމެ ބޮޑު ހަރަދެއް ކޮށްފައިވަނީ ބިހޭވިއާ ތެރަޕީއަށެވެ. އާންމު ގޮތެއްގައި ވެސް، އެންސްޕާއިން އެންމެ ގިނައިން ހަރަދުކުރާ ތެރަޕީއަކީ މި ބާވަތެވެ.
އިތުރު ތެރަޕީތަކަށް ކޮށްފައިވާ ހަރަދަށް ބަލާއިރު:
މީގެ އިތުރުން، ބޭސްފަރުވާ އެހީގެ ޕްރޮގްރާމުގެ ދަށުން ތެރަޕިއުޓިކް ފަރުވާއަށް 58 މީހުންނަށް 435،120 ރުފިޔާ ހަރަދުކޮށްފައިވާ ކަމަށް އެންސްޕާގެ ތަފާސްހިސާބުން ދައްކައެވެ.
އެ އިދާރާއިން އާންމުކޮށްފައިވާ މައުލޫމާތުން އެނގޭ ގޮތުގައި، މިދިޔަ މަހުގެ ނިޔަލަށް، ނުކުޅެދުންތެރިކަން ހުންނަ މީހުންގެ ދަފުތަރުގައި 14،938 ކުދިންނާއި މީހުން ރެޖިސްޓާވެފައި ވެއެވެ. އޭގެ ތެރޭގައި 18 އަހަރުން ދަށުގެ 5،050 ކުދިންނާއި 18 އަހަރާއި 64 އަހަރާ ދެމެދުގެ 7،613 މީހުން ހިމެނެ އެވެ.
