އެރަށުގައި ބޭއްވި ރަސްމިއްޔާތެއްގައި މި މަޝްރޫއުގެ ޢަމަލީ މަސައްކަތް ފައްޓަވައިދެއްވީ މިނިސްޓަރު އޮފް ހެލްތު ޢަބްދުالله ނާޒިމް އިބްރާހީމެވެ. މި ރަސްމިއްޔާތުގައި ހުރާ ދާއިރާގެ މަޖިލިސް މެމްބަރު އަނާރާ ނަޢީމާއ،ި އެމްޓީސީސީގެ ޑެޕިޔުޓީ މެނޭޖިން ޑިރެކްޓަރު މުހައްމަދު ޖަމްޝީދާއި ހުރާ ކައުންސިލް މެންބަރުން ބައިވެރިވިއެވެ.
މި މަޝްރޫއުގެ ދަށުން 15،650 އަކަފޫޓުގެ ސަރަހައްދެއްގައި 2 ފަންގިފިލާގެ އިމާރާތެއްގައި 16 އެނދުގެ ސިއްހީ ޚިދުމަތްދޭ މަރުކަޒެއް ހަދާނެކަމަށް އެމްޓިސީސީން ބުނެއެވެ. އަދި މިއިން ކޮންމެ ފަންގިފިލާއެއްގައި 7825 އަކަފޫޓު ހުންނާނެކަމަށް އެމްޓީސީސީން ބުނެއެވެ.
360 ދުވަސްތެރޭ ނިންމަންޖެހޭ ގޮތަށް ހުރާ ސިއްހީ މަރުކަޒުގެ މަސައްކަތް އެމްޓިސީސީއާ ހަވާލުކޮށްފައިވަނީ 27.23 މިލިއަން ރުފިޔާއަށެވެ.
ހުރާގައި އަޅާ 16 އެނދުގެ ސިއްހީ މަރުކަޒުގެ މަސައްކަތް ފެށުމުގެ ތެރެއިން
1380 މީހުންގެ އާބާދީއެއް އޮންނަ ހުރާގައި ބިނާކުރާ ސިއްހީ މަރުކަޒުގެ އައު އިމާރާތް ނިމުމާއެކު ހުރާއިން ލިބޭ ސިއްހީ ފަރުވާ ފުޅާވެ ހުރާ ރައްޔިތުންނަށް އަމިއްލަ ރަށުގައި ތިބެގެން ވަރަށް ގިނަ ސިއްހޯ ކަންކަމަށް ފަރުވާކުރުމުގެ މަގުފަހި ވެގެންދާނެއެވ.ެ މިއ،ީ ރަށު ރައްޔިތުންނަށް ވަރަށް ބޮޑު ލުއިފަސޭހައެއް ލިބިގެންދާނޭ ކަމެއް ކަމަށް ޤަބޫލުކުރަމަށް އެމްޓީސީސީން ބުނެއެވެ.
