ނިއުޔޯކުގައި ކުރިއަށް ދިޔަ މި އަޑުއެހުމުގައި ހިނގި މި ހާދިސާއާއެކު ކޯޓު ރޫމްގެ ތެރޭގައި ކޮންމެވެސް ވަރެއްގެ ނުތަނަވަސްކަމެއް އުފެދުނެވެ.
މި ހާދިސާ ހިނގީ މަޑޫރޯ ކޯޓަށް ހާޒިރުކުރުމަށްފަހު، އަޑުއެހުން ނިންމާލައި އޭނާ ގެންދަން އުޅުނު ވަގުތުއެވެ. ކޯޓު ރޫމްގެ އާންމުން ތިބޭ ސަރަހައްދުގައި ހުރި މީހަކު ވަނީ ކުއްލިއަކަށް ކޮޅަށް ތެދުވެ ވަރަށް ބާރަށް އަޑުގަދަކޮށް މަޑޫރޯއާ ދިމާލަށް އެއްޗެހި ގޮވާފައެވެ.
މި ވާހަކަތައް އަޑުއިވުމާއެކު މަޑޫރޯ ވަނީ ފަސްއެނބުރި ބަލައިލުމަށްފަހު ވަގުތުން އެކަމަށް ރައްދު ދެއްވާފައެވެ. އޭނާ ބާރަށް ވިދާޅުވިއެވެ.
"ކަލާންގެ ނަންފުޅުގައި ބުނަން، އަހަރެން ވާނީ މިނިވަން،" މަރޫޑޯ އެމީހާއަށް ރަށްދު ދެއްވަމުން ވިދާޅުވިއެވެ.
މަޑޫރޯ މިހެން ވިދާޅުވީ އޭނާގެ މައްޗަށް ކޮށްފައިވާ ދައުވާތަކުން ސަލާމަތްވާނެކަމުގެ ފުރިހަމަ ޔަގީންކަން އޮތްކަން ހާމަކުރެއްވުމުގެ ގޮތުންނެވެ. އޭނާ ގެންދަނީ އެމެރިކާއިން ކުރާ މަސްތުވާތަކެތީގެ ވިޔަފާރީގެ ތުހުމަތުތަކަށް ތަކުރާރުކޮށް އިންކާރު ކުރައްވަމުންނެވެ.
މި ހަމަނުޖެހުން ހިނގި ވަގުތު ކޯޓުތެރޭގެ ސެކިއުރިޓީ ވަނީ ވަރުގަދަ ކޮށް، ހަޅޭއްލެވި މީހާ ހުއްޓުވާފައެވެ. މިއީ މަޑޫރޯ ހައްޔަރުކުރި ފަހުން އާންމު ރައްޔިތަކާ ކުރިމަތިލުމެއް ހިނގި ފުރަތަމަ ފަހަރެވެ.
