މިއީ މުޅި އަހަރު ދުވަހުގެ ތެރޭގައި އެ ސަރަހައްދުތަކުގައި އިޒްރޭލުން ހިންގި އޮޕަރޭޝަންތަކާއި ދިން ހަމަލާތަކުގައި މަރުވި މީހުންގެ ޖުމްލަ އަދަދެވެ.
މި ރިޕޯޓުތަކުން ހާމަވާގޮތުގައި، މި ހަމަލާތަކުގައި ފަލަސްތީނުގެ 2795 މީހުންނަށް ވަނީ އެކި ވަރުގެ އަނިޔާތައް ލިބިފައެވެ. އިޒްރޭލުގެ އަސްކަރިއްޔާއިންނާއި ގަވާއިދާ ހިލާފަށް އުޅޭ ވަޒަންވެރިން ގުޅިގެން ހިންގި މި ހަމަނުޖެހުންތަކުގެ ސަބަބުން، ހުޅަނގު އައްސޭރީގެ އެކި ސަރަހައްދުތަކުގައި ދިރިއުޅޭ އާންމުންނަށް ބޮޑެތި ގެއްލުންތަކާ ވަނީ ކުރިމަތިލާން ޖެހިފައެވެ.
ހުޅަނގު އައްސޭރީގެ އިތުރުން ގައްޒާގައި ވެސް އިޒްރޭލުން ދަނީ ހުއްޓުމެއް ނެތި ހަމަލާތައް ދެމުންނެވެ. އިންސާނީ ހައްގުތަކަށް މަސައްކަތްކުރާ ފަރާތްތަކުންނާއި އިންޓަނޭޝަނަލް ޖަމާއަތްތަކުން އިޒްރޭލުގެ މި އަމަލުތައް ކުށްވެރިކުރަމުން ދިޔަ ނަމަވެސް، ފަލަސްތީނުގެ ރައްޔިތުންނާ ދެކޮޅަށް ހިންގާ ލާއިންސާނީ އަމަލުތަކަށް ނިމުމެއް އައިސްފައެއް ނުވެއެވެ.
