ދައުލަތަށް 36 އަހަރަށް ވުރެ ދިގު މުއްދަތަކަށް ހިދުމަތް ކުރައްވާފައިވާ ރަޝީދުގެ ހިދުމަތް އެންމެ ބޮޑަށް ފާހަގަވަނީ އޮޑިޓުގެ ދާއިރާގެ އިތުރުން ދައުލަތުގެ ަބޖެޓު ތައްޔާރު ކުރުމުގެ މަސައްކަތުގަ އެވެ.
އުމުރުން 65 އަހަރު ވުމުން ދައުލަތުގެ ރަސްމީ ވަޒީފާ އިން ރިޓަޔާ ކުރެއްވި ނަމަވެސް ބަޖެޓުގެ މަސައްކަތުގައި ކޮންޓްރެކްޓު އުސޫލުން މަސައްކަތް ކުރެއްވި އެވެ.
ރަޝީދުގެ ހާއްސަ އަނެއް ހިދުމަތަކީ ލިޔުންތެރިކަމެވެ. ރާއްޖޭގައި ނެރުނު "އާބާރު" ނޫހުގެ އެއް މުވައްސިސަކީ އޭނާ އެވެ. މީގެ އިތުރުން ބައެއް ނޫސް މަޖައްލާތަކުގެ އެޑިޓަރުކަން ވެސް ވަނީ ކުރައްވައިފަ އެވެ. ފޮތް ވެސް ލިޔުއްވާ ރަޝީދު ނިޔާވިއިރު، ދެ ފޮތެއް އޮތީ ޗާޕު ކުރަން ނިންމާފަ އެވެ.
