ކުރީގެ ތެލެސީމިއާ ސެންޓަރު ހުރި ބިމުގައި ޖީޕީ ކްލިނިކެއް ހެދުމަށް އެ އިމާރާތް ތަޅާލާނެ ބަޔަކު ހޯދަން އައިޖީއެމްއެޗުން އިއުލާންކޮށްފި އެވެ.
Advertisement
ހެންވޭރުގައި އެޅުމަށް ހަމަޖެހިފައިވާ ޖީޕީ ކްލިނިކް އަޅަން ނިންމާފައިވަނީ މަޖީދީ މަގުގައި ހުރި ކުރީގެ ތެލޭސިމިއާ ސެންޓަރު ހިންގި އިމާރާތް ތަޅާލުމަށްފަހު އެ ބިމުގަ އެވެ.
ތެލެސީމިއާ ސެންޓަރު ކުރިން ހިންގި އިމާރާތް ތަޅާލާނެ ބަޔަކު ހޯދުމަށްވެސް މިހާރު ވަނީ އިއުލާންކޮށްފަ އެވެ. މި މަސައްކަތުގެ ބީލަން ހުޅުވުމަށް ހަމަޖެހިފައިވަނީ މި މަހުގެ 15 ވަނަ ދުވަހު އެވެ.
އައިޖީއެމްއެޗުގައި އޮންނަ ދިގު ކިއު ކުޑަކުރުމަށް ސަރުކާރުން ވަނީ މާލޭގެ އެކި ހިސާބުތަކުގައި ޖީޕީ ކްލިނިކްތައް ހެދުމުގެ މަސައްކަތް ފަށައިފަ އެވެ. އަދި ފުރަތަމަ ޖީޕީ ކްލިނިކް، އެސްޓީއޯ ހެޑް އޮފީހާ ޖެހިގެން ހުންނަ އިމާރާތުގައި ހަދައި، އެ ތަނުން ހިދުމަތް ދޭން މިދިޔަ އަހަރު ވަނީ ފަށައިފަ އެވެ.
