އޭނާ ބުނި ގޮތުގައި ޕްރިޔަންކާ އަކީ މުޅި ދުނިޔޭގައި އިންޑިއާ ތަމްސީލުކޮށްދޭ އެންމެ ވަރުގަދަ އެއް ފަންނާނެވެ.
އެހެންނަމަވެސް އޭނާގެ އަމިއްލަ ގައުމުގައި އެކަން އެންމެ ރަނގަޅަށް ފާހަގަ ނުކުރާ ކަމަށް ރިކީ ބުންޏެވެ.
ޕްރިޔަންކާ ހޮލީވުޑަށް ގޮސް އެތަނުގައި ފައިތިލަ ސާބިތުކޮށް، ގިނަ ފިލްމުތަކާއި ސީރީޒްތަކުން ފުރުސަތު ހޯދާފައިވާކަން ރިކީ ފާހަގަކުރިއެވެ.
ސޯޝަލް މީޑިއާގައި ވެސް ޕްރިޔަންކާއާ މެދު ބައެއް ފަހަރު ފާޑުކިޔުންތައް އަމާޒުވާކަން ފާހަގަކޮށް ރިކީ ބުނީ، އޭނާގެ ކާމިޔާބީގެ އަގު ވަޒަންކުރުމުގެ ބަދަލުގައި މީހުން ބަލަނީ ކުދިކުދި ކަންތައްތަކަށް ކަމަށެވެ. ޕްރިޔަންކާ އަކީ އިންޑިއާއަށް ފަހުރުވެރި ނަމެއް ހޯދައިދޭ މީހެއް ކަމަށާއި، އޭނާއަށް ލިބެންޖެހޭ އިއްޒަތާއި ގަދަރު އިންޑިއާގެ ރައްޔިތުން ދޭންޖެހޭނެ ކަމަށް ވެސް ރިކީ ބުންޏެވެ.
