ފޮރިން މިނިސްޓްރީން ނެރުނު ބަޔާނެއްގައި ބުނީ، އަންނަ މަހުގެ 12 ވަނަ ދުވަހު ބަންގްލަދޭޝްގައި ބޭއްވުމަށް ހަމަޖެހިފައިވާ އިންތިހާބާ ގުޅިގެން، 15 ޖެނުއަރީ އިން ފެށިގެން 15 ފެބްރުއަރީގެ ނިޔަލަށް، އެ ގައުމަށް ދަތުރުކުރާ އެންމެހައި ފަރާތްތަކަށް އޮން އެރައިވަލް ވިސާ ދޫކުރުން ވަގުތީ ގޮތުން މެދުކަނޑާލުމަށް، އެ ގައުމުން ނިންމާފައިވާ ކަމަށެވެ.

ބަންގްލަދޭޝްގެ ވިސާއާ ގުޅޭ އިތުރު ތަފުސީލުތައް ބަންގްލަދޭޝްގެ އިމިގްރޭޝަން ސައިޓުން ލިބޭނެކަމަށް ވެސް މިނިސްޓްރީން ބުންޏެވެ. ވިސާއާ ގުޅޭ އިތުރު މައުލޫމާތު ހޯދުމަށް އެ ކޮމިޝަންގެ ނަންބަރު 3320859 އަށް ގުޅުއްވުމަށް ނުވަތަ [email protected] އަށް އީމެއިލް ކުރެއްވުމަށް ފޮރިން މިނިސްޓްރީން އިރުޝާދު ދެ އެވެ.

މީގެ އިތުރުން، އޮން އެރައިވަލް ވިސާއާ ގުޅޭ އިތުރު ތަފުސީލީ މައުލޫމާތު ބަންގްލަދޭޝް ސަރުކާރުން ކަނޑައަޅާފައިވާ ހާއްސަ ލިންކު މެދުވެރިކޮށްވެސް ބަލާލެވޭނެ ކަމަށް އެ ފޮރިން މިނިސްޓްރީގެ ބަޔާނުގައި ފާހަގަކޮށްފައިވެ އެވެ.