ސެލީން ޑިއޮން އާއި އޭނާގެ ތިން ފިރިހެން ދަރިން ގުޅިގެން ސޯޝަލް މީޑިއާގައި އާންމުކުރި މި މެސެޖުގައި ބުނެފައިވަނީ، ރެނޭ ވަކިވެދިޔަތާ ދިހަ އަހަރު ވެފައިވީ ނަމަވެސް، އޭނާގެ ހަނދާންތައް އަދިވެސް އާއިލާގެ ހިތްތަކުގައި ބިންވަޅު ނެގިފައިވާ ކަމަށެވެ.
މި މެސެޖު ލިޔެފައިވަނީ ސެލީން ޑިއޮންގެ އިތުރުން ދޮށީ ދަރިފުޅު ރެނޭ-ޗާލްސް އާއި އެއްމާބަނޑު ދެކުދިން ކަމަށްވާ ނެލްސަން އަދި އެޑީގެ ފަރާތުންނެވެ.
ރެނޭ އެންޖެލިލް މަރުވީ ގިނަ ދުވަސްތަކެއް ވަންދެން ކެންސަރު ބައްޔަށް ފަރުވާ ހޯދަމުން ދަނިކޮށް 2016 ވަނަ އަހަރުއެވެ. އޭނާއަކީ ހަމައެކަނި ސެލީން ޑިއޮންގެ ފިރިމީހާ ނޫން ކަމަށާއި، އޭނާގެ މިއުޒިކީ ހަޔާތް ކާމިޔާބު ކުރުމުގައި އެންމެ މުހިންމު ދައުރެއް އަދާކުރި މެނޭޖަރު ކަމަށް ވެސް ގިނަ ބަޔަކު ފާހަގަކުރެއެވެ. ފިރިމީހާ ނިޔާވުމަށްފަހު ސެލީން ޑިއޮން އަންނަނީ އޭނާގެ ސިއްހީ ހާލަތަށް ބަލައި، ދަރިންނާއެކު ގިނަ ވަގުތު ހޭދަކުރަމުންނެވެ.
