ރިޕޯޓްތައް ބުނާގޮތުގައި ޕްރިޔާ ސުޕްރީމް ކޯޓަށް ގޮސްފައިވަނީ ސަންޖޭ ކަޕޫރާ ގުޅުންހުރި މައްސަލައެއްގަ އެވެ. މިއީ ކަރިސްމާ ކަޕޫރުގެ ވަރީގެ ލިޔެކިޔުންތަކާ ގުޅިގެން އުފެދިފައިވާ ގާނޫނީ މައްސަލަތަކެއް ކަމަށް ބެލެވެ އެވެ.
މި މައްސަލަ އަނެއްކާވެސް ހޫނުވެފައި މިވަނީ، ކަރިސްމާ އާއި ސަންޖޭގެ ވަރީގެ ލިޔެކިޔުންތަކުން ސަންޖޭގެ އާއިލާގެ މުއްސަނދިކަމުގެ ބޮޑު މިންވަރެއް ހާމަވުމާ ގުޅިގެންނެވެ. އެ ލިޔެކިޔުންތަކާ ހަވާލާދީ މީޑިއާތަކުން ރިޕޯޓްކޮށްފައިވާ ގޮތުގައި ސަންޖޭ ކަޕޫރު ނިސްބަތްވާ "ސޯނާ ގްރޫޕް" ގެ އަގު ގާތްގަނޑަކަށް 30،000 ކްރޯޑު ރުޕީސް (ގާތްގަނޑަކަށް 3.6 ބިލިއަން ޑޮލަރު) އަށް އަރަ އެވެ.
ކަރިސްމާ ކަޕޫރާއި ސަންޖޭ ކަޕޫރު ވަރިވެފައިވަނީ ވަރަށް ދިގުލައިގެން ދިޔަ އަދި އަރާރުން ބޮޑުވި ޝަރީއަތަކަށް ފަހުގަ އެވެ. އެ ދުވަސްވަރު ކަރިސްމާ ވަނީ ސަންޖޭގެ ފަރާތުން ގެވެށި އަނިޔާ ލިބުނު ކަމަށް ބުނެ މައްސަލަ ވެސް ހުށަހަޅާފަ އެވެ. ނަމަވެސް ފަހުން ދެ ފަރާތުން އެއްބަސްވުމަކަށް އައިސް ވަރީގެ ކަންކަން ނިންމާލި އެވެ.
ސަންޖޭ ކަޕޫރު މިހާރު ކައިވެނިކޮށްގެން އުޅެނީ ޕްރިޔާ ސަޗްދޭވްއާ އެވެ. އަދި ޕްރިޔާ ސުޕްރީމް ކޯޓަށް ދިޔުމުން ދޭހަވަނީ، ކުރީގެ ކައިވެނީގެ މައްސަލަތަކުގެ އަސަރު އަދިވެސް ސަންޖޭގެ ދިރިއުޅުމަށް ކުރަމުންދާ ކަމެވެ. މިކަމާ ގުޅޭގޮތުން ސަންޖޭ ނުވަތަ ކަރިސްމާގެ ފަރާތުން އަދި ރަސްމީ ބަޔާނެއް ނެރެފައެއް ނުވެ އެވެ.
