ބާނީ އިން ބުނިގޮތުގައި މި ވޯޓް ނަގާފައިވަނީ 2028 ވަނަ އަހަރު ވެރިކަމަށް ކުރިމަތި ލާނެ ކަމަށް ބެލެވޭ ނުވަތަ ޕާޓީގެ ރިޔާސީ ޕްރައިމެރީގައި ބައިވެރިވާނެ ކަމަށް ބެލެވޭ 6 ސިޔާސީ ބޭފުޅުންގެ މެދުގައި ކަމުގަ އެވެ.
ބާނީ އިން ހާމަ ކުރި ގޮތުގައި މި ޕޯލް ކުރިޔަށް ގެންގޮސްފައިވަނީ ފޯން ކޯލްގެ ޒަރިއްޔާއިން ކަމަށާއި އޭގޮތުން 391 މީހެއްގެ ވިސްނުން މިކަމުގައި ނަގާފައިވާނެ ކަމުގަ އެވެ.
ބާނީ އިން އިތުރަށް ބުނި ގޮތުގައި އެ ފޯން ކޯލްތައް ކުރިޔަށް ގެންގޮސްފައިވަނީ މިދިޔަ އަހަރުގެ ނޮވެމްބަރު 23 ވަނަ ދުވަހުން ފެށިގެން ޑިސެމްބަރު 1 ވަނަ ދުވަހާއި ހަމަޔަށް ކަމުގައި އެވެ.
މީގެ ކުރިން ބާނި ޖަމިއްޔާއިން ނެގި ޕޯލްއަކުން ވަނީ 62 އިންސައްތަ މީހުން ރައީސް ޑރ. މުހައްމަދު މުއިއްޒު ވެރިކަން ކުރައްވާ ގޮތް "އެޕްރޫވް"ކުރާ ކަމަށް ނުވަތަ އެ މަނިކުފާނަށް ތާއީދުކުރާ ކަމަށް ވެސް ދައްކާފަ އެވެ. އެއީ، ރައީސްގެ އެޕްރޫވަލް ރޭޓިން ނުވަތަ ތާއީދު ހުރި މިންވަރު ވަޒަންކުރި ނެގި ސާވޭއެކެވެ.
