އޭނާ އެހެން ވިދާޅުވެފައިވަނީ މިކަމާއި ގުޅިގެން އެކްސްގައި ކުރެއްވި ޕޯސްޓެއްގައި އެވެ.
އެ ޕޯސްޓުގައި އޭނާ ވިދާޅުވީ 7 ޑިސެމްބަރުގައި މިކަމާއި ގުޅިގެން ސަކުވާ ހުށަހަޅާފައިވާ ކަމުގައި އެވެ.
ނަމަވެސް އަދި އެކަމާއި ގުޅިގެން ޖަވާބެއް ލިބިފައި ނުވާ ކަމަށް ކުޑޫ ފާހަގަ ކުރެއްވި އެވެ.
ޕޭ ހާމަނައިޒޭޝަން ގެ ތެރެއިން މިހާތަނަށް މުސާރަ ބޮޑުވެފައިނުވާ ހުރިހާ މުވައްޒަފުންގެ މުސާރަ ބޮޑު ކުރަން ރައީސް ޑރ. މުއިއްޒު ނިންމަވާފައި މިދިޔަ އަހަރުގެ ސެޕްޓެމްބަރު މަހުގެ 28 ވަނަ ދުވަހު އެވެ.
ރައީސް އެކްސްގައި ވިދާޅުވެފައިވަނީ، ޕޭ ހާމަނައިޒޭޝަންގެ ތެރެއިން މުސާރަ ބޮޑު ނުކޮށް ތިބި، ސިވިލް ސާވިސް ހުރިހާ މުވައްޒަފުންނާއި ޖުޑިޝަރީގެ ހުރިހާ މުވައްޒަފުން އަދި ކައުންސިލްތަކުގެ ހުރިހާ މުވައްޒަފުންގެ މުސާރަ ނޮވެމްބަރު 1 ގައި ހާމަނައިޒްކޮށް، މުސާރަ ބޮޑުވާނެ ކަމުގައި އެވެ.
މުވައްޒަފުންގެ މުސާރަތައް އެއްހަމަކޮށް، ޕޭ ހާމަނައިޒްކުރުމުގެ މަސައްކަތް ފެށީ މިދިޔަ ސަރުކާރުގަ އެވެ.
އެ މަސައްކަތުގެ ތެރެއިން މިހާރު ވަނީ ނަރުހުންނާއި ޓީޗަރުންނާއި ސަލާމަތީ ހިދުމަތްތަކުގެ މުސާރަތައް ވެސް ވަނީ ބޮޑުކޮށްފައެވެ. އެކަމަކު، އަދިވެސް ބައެއް މުވައްޒަފުންގެ މުސާރަ ބޮޑުނުކުރާތީ ކަންބޮޑުވުން އެބައޮތެވެ.
ބައެއް މުވައްޒިފުން ބުނަމުން އަންނަ ގޮތުގައި އެމީހުންނައް ލިބެމުން އަންނަ މުސާރަ ބޮޑުވި ކަމަށް އަންްގާފައި ވީ ނަމަވެސް ގެޔަށް ގެންްދަން ލިބޭ ވަރު ބޮޑުތަނުން ދަށްވެފައިވާ ކަމުގައި އެެވެ. ސަބަބަކީ އަސާސީ މުސާރަ ބޮޑު ކުރި ނަމަވެސް އިތުރު އިނާޔަތްތައް ވަރަށް ބޮޑަށް ކަނޑާލާފައި ވާތީ ކަމަށް އެ މުވައްޒިފުން ބުނެ އެވެ.
