މި ޕްރޮމޯޝަންގެ ދެވަނަ ނަސީބުވެރިޔަކަށް ހޮވުނީ މާލެ ސިޓީއަށް ނިސްބަތްވާ އަލީ ޝާހިދެވެ.
މިހާރު ކުރިއަށްދާ ގޯލްޑަން ފުޓްސަލް މެޗުތައް ކުރިއަށް ގެންދާ ދުވަސް ދުވަހު ހުޅުމާލޭގައި ހުންނަ ރެހެންދި ޓާފުގައި ބަހައްޓާފައި ހުރި އުރީދޫ ޓެންޓުން އުރީދޫގެ ހިދުމަތެއް ހޯދުމުން ކޮންމެ ހަފްތާއަކު އަގުހުރި އިނާމެއް ލިބޭ ޕްރޮމޯޝަނެއް އެ ކުންފުނިން ވަނީ ފަށާފަ އެވެ.
އުރީދޫ މޯލްޑިވްސްގެ ޕްރީޕެއިޑް، ޕޯސްޓްޕެއިޑް، ސުޕަނެޓް ހިދުމަތް އަދި 5ޖީ ޑިވައިސްއެއް ނެގި ކަމުގައިވިޔަސް މި ލަކީ ޑްރޯ ގައި ބައިވެރިވެވޭނެ އެވެ.
އިނާމުތަކުގެ ތެރޭގައި ޓީވީ، ފްރިޖް، ސޯފާ، މައިކްރޯވޭވް ފަދަ ބޭނުންތެރި އިނާމުތައް ހިމެނެ އެވެ. މި ޕްރޮމޯޝަނުގެ ހާއްސަ އިނާމެއްގެ ގޮތުގައި ކޮންސިއަޖް ގްރޫޕްގެ ފަރާތުން މެލޭޝިއާއަށް ދެ ރިޓާން ޓިކެޓް ލިބެ އެވެ.
މި ޕްރޮމޯޝަން ކުރިއަށް ދާނީ އަންނަ ފެބްރުވަރީ މަހުގެ 14ވަނަ ދުވަހު ގޯލްޑަން ފުޓްސަލް ޗެލެންޖު ނިމުމާ ހަމައަށް ކަމަށް، އުރީދޫން މައުލޫމާތު ދެއެވެ.
