އެ ހޮސްޕިޓަލްގެ މީޑިއާ އޮފިޝަލަކު ވިދާޅުވީ، ދެ ވަނަ ޖީޕީ ކްލިނިކް ހަދަން ނިންމާފައިވަނީ، އަލަށް މީހުން ދިރިއުޅެން ފަށާފައިވާ އަމާން އުދަރެސް 6ގެ އެއް ވަނަ ފަންގިފިލާގަ އެވެ. މިދިޔަ މަހު އެ ތަން ވަނީ، މާލެ ސިޓީ ގްރޫޕް އޮފް ހޮސްޕިޓަލާ ހަވާލުކޮށްފަ އެވެ. 

އަމާން އުދަރެހުގެ 6ވަނަ ޓަވަރުގައި ޖީޕީ ކްލިނިކް ގާއިމްކުރުމަށް ފަހި ދިރިއުޅުން ކޯޕަރޭޝަން، އެފްޑީސީ އާއި މާލެ ސިޓީ ގްރޫޕް އޮފް ހޮސްޕިޓަލްސްއާ ދެމެދު ކޮމާޝަލް ޔުނިޓް ބޭނުންކުރުމުގެ އެއްބަސްވުމުގައި ސޮއިކޮށްފައިވަނީ ނިމުނު އަހަހރުގެ ޑިސެންބަރު މަހުގެ 9ވަނަ ދުވަހު އެވެ.  

ހުޅުމާލެ ދެވަނަ ފިޔަވަހީގައި މިހާރު ވެސް ޖީޕީ ކްލިނިކެއް ހިންގަ އެވެ. ހިޔާ ޓަވަރު 16ގައި ހިންގާ އެ ކުލިނިކުން 24 ގަޑިއިރަށް ހިދުމަތް ދޭން ފެށީ، މިދިޔަ ސެޕްޓެމްބަރު މަހުގެ ތެރޭގަ އެވެ.

އާންމު ސިއްހަތުގެ ނިޒާމު ވަރުގަދަކުރެއްވުމުގެ ގޮތުން އަދުގެ ސަރުކާރުން މާލެ ސަރަޙައްދުގައި ގާއިމުކުރެއްވި ފުރަތަމަ އާބަން ޕްރައިމަރީ ހެލްތު ކެއާ ސެންޓަރު ހުޅުވާފައިވަނީ މިިދިޔަ މަހުގަ އެވެ. މާލެ ސަރަހައްދުގައި ތަރައްގީކުރާ ޖީޕީ ކްލިނިކްތަކުގެ އިތުރަށް އަތޮޅުތެރޭގައިވެސް އެފަދަ ސެންޓަރުތައް ތަރައްގީކުރުމަށް ވަނީ ހަމަޖެހިފަ އެވެ.