ކޮންމެ އަހަރަކު ވެސް އުރީދޫގެ ކަލަންޑަރުން ކިޔައިދެނީ ދިވެހި ސަގާފަތާއި އުފެއްދުންތެރިކަމާއި ތަޖުރިބާ ހިއްސާ ކުރާ ވާހަކައެކެވެ. މި އަހަރުގެ ކަލަންޑަރުގައި ފާހަގަކުރަމުން މި އަންނަނީ ރާއްޖޭގެ ޖީލުތަކާއި މުޖުތަމައުތައް ގުޅުވައިދޭ ސަގާފަތެއް ކަމަށްވާ "'ސައި"ގެ މައްޗަށެވެ.
މި ސަގާފަތާ ގުޅުވައިގެން މި އަހަރުގެ ކަލަންޑަރުގައި ކޮންމެ މަހަކު ވެސް ތަފާތު ސައިގެ ބާވަތެއް ހިމެނިފަވާނެވެ. މި ކަލަންޑަރުގައި ގެނެސްދެވިފައިވާނީ ރާއްޖޭގެ އެކި ކަންކޮޅުތަކުގައި ލިބެން ހުންނަ މޭވާ އަދި މާމެލާމެލި ރަހަތައް ހިމޭ ސަ އެވެ. ކޮންމެ ސޮފްހާއަކުން ފެނިގެންދާނީ މިދެންނެވި ސައިތަކުގައި އެކުލެވިގެންވާ މައި ރަހައިގެ ބާވަތެވެ.
އެ ރަސްމިއްޔާތުގައި އުރީދޫގެ މެނޭޖިން ޑިރެކްޓަރު އަދި ސީއީއޯ ހާލިދު އަލް ހަމާދީ ވިދާޅުވީ އުރީދޫގެ ކޮންމެ އަހަރެއްގެ ކަލަންޑަރަކީ ވެސް ދިވެހިންގެ އާދަކާދަތަކާއި ސަގާފަތަށް ހާއްސަކޮށް ފަރުމާކުރާ އެއްޗެއް ކަމަށެވެ.
ސައި ބުއިމަކީ ދިވެހިންގެ އާދަކާދައިގެ ތެރޭގައި ހިމެނޭ ކަމަކަށް ވުމުން މިފަހަރުގެ ކަލަންޑަރު ހާއްސަކުރީ ސަޔަށް ކަމަށް ވިދާޅުވި އެވެ. އެގޮތުން އެ ކަލަންޑަރުގެ ކޮންމެ މަހެއް ހާއްސަކޮށްފައި ވަނީ ސައިގެ ތަފާތު ރަހަޔަކަށް ކަމަށް ވިދާޅުވި އެވެ.
އުރީދޫ މޯލްޑިވްސް އިން މި އަހަރު ޑެސްކް ކަލަންޑަރުގެ އިތުރުން ފާރުގައި އަޅުވާ ކަލަންޑަރެއް އަދި ޑިޖިޓަލް ކަލަންޑަރެއް ވެސް ތައާރަފްކުރި އެވެ. ކޮންމެ މަހަކު ވެސް ދިވެހި ރަހަތައް ހިމެނިފައިވާ ހާއްސަ ގްރީންޓީ ބްލެންޑެއްގެ ޓީ ކޭކެއް ޑެސްކް ކަލަންޑަރާއެކު، ހިމެނިފައި ވެއެވެ.
މީގެ އިތުރުން ކަލަންޑަރުގެ ޑިޖިޓަލް ވާޝަނެއް ވެސް ލިބެން ހުންނާނެ އެވެ. އުރީދޫ މޯލްޑިވްސްގެ އުންމީދަކީ 2026 ވަނަ އަހަރުގެ ކަލަންޑަރަކީ ޑެސްކް، ފާރު އަދި ސްކްރީނުން ކޮންމެ ދުވަހެއްގެ އާދަކާދަގެތެރޭގައި ހިމެނޭ ކަލަންޑަރަކަށް ވެގެންދިޔުން ކަމަށް އުރީދޫއިން ބުނެ އެވެ.
