ކާރިސާތަކުން ލިބޭ ގެއްލުންތައް ރިޕޯޓު ކުރުމާއި ތަފާސްހިސާބު ބެލެހެއްޓުން ޑިޖިޓަލްކޮށް، ނޭޝަނަލް ޑިޒާސްޓާ މެނޭޖްމަންޓު އޮތޯރިޓީން (އެންޑީއެމްއޭ) އިން ޑާލާ ނަމުގައި ޕްލެޓުފޯމެއް މިއަދު އިފުތިތާހުކޮށްފި އެވެ.
Advertisement
މި ޕޯޓަލް އަކީ ކާރިސާތަކުން ލިބޭ ގެއްލުންތައް ރިޕޯޓުކްރުމާއި ތަފާސްހިސާބު ބެލެހެއްޓުން ޑިޖިޓަލައިޒްކޮށް ލޯންޗްކުރި އެއްކެވެ.
އެ ލޯންޗްކޮށް ދެއްވީ ހޯމްލޭންޑް ސެކިއުރިޓީ އެންޑް ޓެކްނޯލޮޖީ މިނިސްޓަރު އަލީ އިހުސާން އެވެ.
ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާމް (ޔޫއެންޑީޕީ) މޯލްޑިވްސްގެ އެހީތެރިކަމާއެކު، އެންޑީއެމްއޭއިން މިއަދު ތައާރަފްކުރި "ޑާލާ" ޕްލެޓްފޯމަކީ ކާރިސާތަކުގައި ލިބޭ ގެއްލުންތައް ރިފޯޓުކުރުން ޑިޖިޓަލްކޮށް، ކާރިސާތަކާ ގުޅޭ ރިޕޯޓްތައް ތައްޔާރުކުރުމާއި ހެކީގެ މައްޗަށް ބިނާކޮށް ނިންމުންތައް ނިންމުމުގެ ނިޒާމު ހަރުދަނާކުރުމަށް ފަރުމާކޮށްފައިވާ ގައުމީ ޑިޖިޓަލް ޕްލެޓްފޯމެކެވެ.
"އަޅުގަނޑުމެންގެ ގައުމީ ނިޒާމުގެ ތެރޭގައި ހަރުދަނާ ނިޒާމެއްގެ ތެރެއިން މައުލޫމާތު އެއްކުރުމާއި އޭގެ ދިރާސީ މަސައްކަތްތައް ކުރުން ހިމެނުމުން، ޑާލާ މެދުވެރުކޮށް ކާރިސާތަކަށް އިޖާބަދިނުމުގެ ބަދަލުގައި އެކަމަށް ތައްޔާރުވާން ފުރުސަތު ލިބޭ. މިއީ މޯލްޑިވްސް 2.0 އެއް އަސާސް. ދިގުމުއްދަތަކަށް މައުލޫމާތު އެއްކުރެވިފައިވުމަށް ގައުމީ ތަރައްގީއަށް ރޭވުމާއި ބަޖެޓުކުރުމަށް މަގުފަހިވެގެންދާނެ. އެހެނަސް ޓެކްނޮލޮޖީން އެކަނި ކަންކަން ހާސިލެއް ނުވާނެ. މި ނިޒާމު ބޭނުން ކުރާ އިދާރާތަކާއި މުއައްސަސާތަކުގެ ގާބިލިއްޔަތުކަންވެސް މިކަމަށް އެހީވެދޭނެ" ޑާލާ ޕޯޓަލް އިފްތިތާޚް ކުރުމަށް ހޮޓެލް ޖެންގައި ބޭއްވި ރަސްމިއްޔާތުގައި ޕޯޓަލް އިފްތިތާޙްކޮށްދެއްވުމަށްފަހު ވާހަކަ ދައްކަވަމުން މިނިސްޓަރު ވިދާޅުވި އެވެ.
ޑާލާ ޕޯޓަލް ފަރުމާކުރީ ޔޫއެންޑީޕީގެ ފަންޑިން ވިންޑޯ މެދުވެރިކޮށް ޑެންމާކާއި ލަގްޒެމްބާގް އަދި ދެކުނު ކޮރެއާ ސަރުކާރުގެ ދީލަތި އެހީއާ އެކީގަ އެވެ.
