އިއްޔެ ރައީސް ޑރ. މުޙައްމަދު މުއިއްޒު ވަނީ އިންޑިއާގެ 77 ވަނަ ޖުމްހޫރީ ދުވަހުގެ މުނާސަބަތުގައި އެ ގައުމުގެ ރައީސް ދްރައުޕަތީ މުރްމުއަށާއި އިންޑިއާގެ ބޮޑުވަޒީރު ނަރެންދުރަ މޯދީއަށް ތަހުނިޔާ ފޮނުއްވާފަ އެވެ.
އިނގިރޭސިބަހުން ރައީސް މުއިއްޒު ކުރެއްވި އެ ޕޯސްޓަށް ދިވެހިބަހުން މޯދީ މިއަދު ދެއްވި ޖަވާބުގައި ވިދާޅުވީ، އެ ގައުމުގެ ޖުމްޙޫރީ ދުވަހުގެ މުނާސަބަތުގައި އަރިސްކުރެއްވި ތަޙުނިޔާއާއި ހެޔޮއެދުން އިހުތިރާމާ އެކު ބަލައިގަންނަވާ ކަމަށެވެ.
އިންޑިއާގެ 77 ވަނަ ޖުމްހޫރީ ދުވަސް ފާހަގަކުރުމަށް ރާއްޖޭގައި ހުންނަ އިންޑިއާގެ ހައި ކޮމިޝަނުން ރޭ ވަނީ ސޯޝަލް ސެންޓަރުގައި ރަސްމިއްޔާތެއް ބާއްވައިފަ އެވެ. ރޭގެ ރަސްމިއްޔާތު ޝަރަފުވެރިކޮށްދެއްވީ ފޮރިން މިނިސްޓަރު ޑރ. އަބްދުﷲ ހަލީލް އެވެ.
ހާއްސަ މެހެމާނުންގެ ގޮތުގައި ކުރީގެ ރައީސް އިބްރާހިމް މުހައްމަދު ސޯލިހާއި މުހައްމަދު ނަޝީދު ބައިވެރިވެވަޑައިގެންނެވި އެވެ.
