އެޗްޑީސީން ބުނެފައިވަނީ، މި ބާޒާރަކީ އެ ކޯޕަރޭޝަނާއި ހައިރައިސް ގުޅިގެން ކުރިއަށްގެންދާ ހަރަކާތެއް ކަމަށެވެ. މި ބާޒާރު ކުރިއަށްދާނީ މާދަމާއިން ފެށިގެން އަންނަ ހޮނިހިރު ދުވަހުގެ ނިޔަލަށް ހުޅުމާލޭ ސެންޓްރަލް ޕާކުގައެވެ.
ބާޒާރު ހުޅުވިފައި ހުންނާނީ ކޮންމެ ދުވަހެއްގެ ހަވީރު 04:00 އިން 06:00 އަށް އަދި ރޭގަނޑު 08:00 އިން 11:30 އަށެވެ.
އެޗްޑީސީން ބުނީ މިއީ ރޯދަ މަހަށް ތައްޔާރުވުމަށް އެޗްޑީސީން ކުރިއަށް ގެންދާ ހަރަކާތްތަކުގެ ތެރެއިން ރޯދައަށް ގޭތެރެއަށް ބޭނުންވާ ތަކަތި ފަސޭހައިން އެއްތަނަކުން، އަދި އަގުހެޔޮކޮށް ލިބޭނެ ގޮތް މަގުފަހިކުރުމަށް ކުރިއަށްގެންދާ ބާޒާރެއް ކަމަށެވެ.
މި ފަހަރުގެ ރޯދަ ބާޒާރުގައި ޖުމްލަ 50 ސްޓޯލް ބެހެއްޓުމަށް ވަނީ ހަމަޖެހިފަ އެވެ. މި ސްޓޯލްތަކުން ރަމަޟާން މަހަށް ބޭނުންވާ ގިނަ ބާވަތްތަކެއް ލިބެން ހުންނާނެއެވެ. އޭގެ ތެރޭގައި ކައްކާ ތެއްޔާއި ބަދިގޭގައި ހިފާ ގެންގުޅޭ ސާމާނު، ގޭތެރެ ޒީނަތްތެރިކުރާ ތަކެތި، އަންނައުނު، ހާޑްވެއާ ސާމާނު އަދި އެކި ބާވަތްތަކުގެ ކާބޯތަކެތި ހިމެނެއެވެ.
އެޗްޑީސީން އަބަދުވެސް މަސައްކަތް ކުރަނީ ހުޅުމާލެއަކީ ހުރިހާ ހިދުމަތެއްވެސް ފަސޭހަކަމާއެކު ލިބެން ހުންނަ އަދި ހިތްފަސޭހަ ތަނަކަށް ހެދުމަށް ކަމަށް އެ ކުންފުނިން ބުނެ އެވެ.
