އިންޑިއާ މީޑިއާތަކުން ބުނީ އޭނައާ އެކު މިއަދު ހެނދުނު ޕޫނޭ އަށް ވެއްޓުނު ބޯޓުން އިތުރު ފަސް މީހަކު ވެސް މަރުވެފައިވާ ކަމަށެވެ. އެ މީހުން ދަތުރުކުރި ބޯޓަކީ ލިއާޖެޓް 45 މަރުކާގެ ބޯޓެކެވެ. ޗާޓަރުކޮށްގެން ކުރި އެ ދަތުރުގައި ވެއްޓުނު ބޯޓަކީ ވީއެސްއާރް ކިޔާ ކުންފުންޏަކުން އޮޕަރޭޓް ކުރާ ބޯޓެވެ.
މީޑިއާތަކުން ބުނި ގޮތުގައި ޗީފް މިނިސްޓަރުގެ ނައިބު ދަތުރުކުރެއްވި ބޯޓް ވެއްޓުނީ ބަރަމާތީ އެއާޕޯޓަށް ލޭންޑް ކުރަން އުޅެނިކޮށް، ކޮންޓްރޯލް ގެއްލި ކަމަށެވެ. އެ ހާދިސާ ހިނގާފައި ވަނީ އިންޑިއާ ގަޑިން 8:30 އެހާކަށްހާ އިރު އެވެ.
މިއަދު އަވަހާރަވި ޗީފް މިނިސްޓަރު އަޖިތު، 66، އަކީ އިދިކޮޅު ކޮންގްރެސް ޕާޓީ އަށް ނިސްބަތްވާ ބޭފުޅެކެވެ. އޭނަ ވަނީ އެކި ސަރުކާރުތަކުގެ ދައުރުގައި ހަ ފަހަރެއްގެ މަތިން މަހާރަޝްތުރާގެ ޑެޕިއުޓީ ޗީފް މިނިސްޓަރުކަން ކުރައްވައިފަ އެވެ.
ސިޔާސީ އާއިލާއަަކަށް އުފަންވެވަޑައިގެން އަޖިތު ޕަވަރު ސިޔާސީ ދާއިރާއަށް ނުކުމެވަޑައިގަތީ 1982 ވަނަ އަހަރުއެވެ. މަހާރާޝްތުރާ ސްޓޭޓްގެ ސަރަހައްދީ ޕާލަަމެންޓަށް އޭނާ އެންމެ ފުރަތަމަ އިންތިހާބުވީ 1991 ވަނަ އަހަރު އެވެ. އެފަހަރު އޭނާ އިސްތިއުފާދިނީ ބޮޑުބޭބެ ޝަރަދުޕަވަރަށް ފުރުސަތު ދިނުމަށެވެ. ޝަރަދު ޕަވަރަކީ އިންޑިއާގެ ޑިފެންސް މިނިސްޓަރުކަން ވެސް ކުރެއްވި ބޭފުޅެކެވެ.
ބޯޓު ވެއްޓެން ދިމާވި ހާދިސާއާ ގުޅޭ އިތުރު ތަފްސީލެއް އިންޑިއާ ސަރުކާރުން އަދި ހާމައެއް ނުކުރެ އެވެ. ނަމަވެސް ބޯޓު ވެއްޓުނު ހާދިސާގެ ތަހުގީގު އެ ގަމުމުގެ ކަމާއި ގުޅޭ އިދާރާތަކުން މިހާރު ވަނީ ފަށާފައި އެވެ.
