އޮޑިޓު އޮފީހުން އިއްޔެ އާންމުކުރި އެންވަޔަރަމެންޓް މިނިސްޓްރީގެ 2019، 2020 އަދި 2021ގެ ކޮމްޕްލަޔަންސް އޮޑިޓުގައި ވަނީ، ތިމާވެއްޓަށް ލިބޭ ގެއްލުންތަކަށް ކޮށްފައިވާ ޖޫރިމަނާތަކަށް 930.3 މިލިއަން ރުފިޔާ ދައުލަތަށް ނުލިބި އޮތްކަން ފާހަގަކޮށްފަ އެވެ.
ނަމަވެސް، އެ ޖޫރިމަނާގެ އިތުރު ތަފުސީލެއް ހިމަނާފައެއް ނުވެ އެވެ.
ދައުލަތުގެ މާލިއްޔަތު ގަވާއިދުގައި ބަޔާންކޮށްފައިވާ ގޮތަށް، ދައުލަތަށް ލިބެން ޖެހޭ ފައިސާ ހޯދުމަށް ފިޔަވަޅު އެޅުމަށް އޮޑިޓް ރިޕޯޓުގައި މިނިސްޓްރީއަށް ލަފާދީފައިވެ އެވެ.
މީގެ އިތުރުން، ދިން މުއްދަތުތަކުގައި ފައިސާ ނުދައްކައިފިނަމަ، އެ މައްސަލައެއް ޝަރީޢަތަށް ހުށަހަޅައިގެން ކުރިއަށް ގެންދިއުމަށާއި، ޝަރީޢަތުން އަންގާ ގޮތަށްވެސް ފައިސާ ނުދައްކައިފިނަމަ ފިނޭންސް މިނިސްޓަރަށް އެ މައްސަލަ ހުށަހަޅައިގެން ވަކި ގޮތެއް ނިންމަންވާނެ ކަމަށް މާލިއްޔަތު ގަވާއިދުގައި ބަޔާންކޮށްފައިވާ ކަން ރިޕޯޓްގައިވެ އެވެ.
