ވެލިދޫގައި ސީ އެމްބިއުލާންސްގެ ހިދުމަތް ރަސްމީކޮށް ފައްޓަވައިދެއްވީ މިއަދު ހަވީރު އެރަށުގައި ބޭއްވި ހާއްސަ ރަސްމިއްޔާތެއްގައި ޑިފެންސް މިނިސްޓްރީގެ ނައިބު ފާތިމަތު މިޒުނާ އަލީ އެވެ. ޑިފެންސް މިނިސްޓްރީގެ އިސްވެރިންގެ އިތުރުން، އެކި ވުޒާރާތަކުގެ އިސްވެރިން އަދި ވެލިދޫ ސިއްހީ މަރުކަޒުގެ އިސްވެރިންނާއި އެރަށު މުއައްސަސާތަކުގެ އިސް ބޭފުޅުން ރަސްމިއްޔާތުގައި ބައިވެރިވި އެވެ.
ޑިފެންސް މިނިސްޓްރީން ބުނީ، މިއަހަރު ނުވަ ރަށެއްގައި އަލަށް ސީ އެމްބިއުލާންސްގެ ހިދުމަތް ގާއިމްކޮށް، ތިން ރަށެއްގައި އަލުން އެ ހިދުމަތް ފަށާނެ ކަމަށެވެ.
ހެލްތު މިނިސްޓްރީން ވަނީ މި މަހުގެ 17ވަނަ ދުވަހު، 56 އެމްބިއުލާންސް އަތޮޅުތެރޭގެ އެކި ރަށްރަށާ ހަވާލުކޮށްފަ އެވެ.
މީގެ ކުރިން ނ. އަތޮޅުގައި ސީ އެމްބިއުލާންސް އޮޕަރޭޓްކުރަނީ ހަމައެކަނި މަނަދޫގަ އެވެ.
