ފުލުހުން ބުނީ މި ޒުވާނާ މިމަހުގެ 26 ވަނަ ދުވަހުން ފެށިގެން ގެއްލިފައިވާ ކަމަށް އެ އިދާރާއަށް ރިޕޯޓްކުރީ އިއްޔެކަމަށެވެ.
މި ހާދިސާއާއި ގުޅިގެން ފުލުހުން މިއަދު މީޑިއާތަކަށް ފޮނުވި މެސެޖުގައި ބުނީ މިހާތަނަށް ބެލިބެލުމުން މަރުވެފައި އޮއްވާ ފެނުނު އަމީން އަމީން މިއާ މަރުވީ އޭނާ ގެއްލުނުކަމަށް ބުނާ މިމަހުގެ 26 ވަނަ ހިނގި ހާދިސާއެއްގައިކަން އެނގިފައިވާކަމަށެވެ.
ސީއެމްއެމްއަށް އެނގިފައިވާ ގޮތުގައި ބަންގްލަދޭޝްގެ މި ޒުވާނާ މަރުވީ ކުނި ގޮނޑުގައި މަސައްކަތް ކުރަން އުޅެނިކޮށް އެވަގުތު އެ ސަރަހައްދުގައި ބޭނުންކުރަމުން ދިޔަ ހައިމާކެއްގެ ދަތްގަޑެއްގައި ޖެހިގެންކަމަށެވެ. އަދި މި ހައިމާކް ދުއްވަން އިނީ ލަންކާ މީހެއްކަންވެސް ވަނީ އެނގިފައެވެ. އެހެންނަމަވެސް މި ހާދިސާ ހިނގަން މެދުވެރިވި ގޮތުގައި ތަފްސީލެއް ސާފެއް ނުވެެއެވެ.
ފުލުހުން ބުނީ މި މައްސަލައިގެ ތަހުގީގު ކުރިއަށްދާ މިންވަރަކުން ހާމަކުރެވެންހުރި މައުލޫމާތު ހާމަކުރަމުންދާނެކަމަށެވެ.
