މި މަސައްކަތް ފަށާފައި މިވަނީ މިހާރު ރައީސް ޑރ. މުހައްމަދު މުއިއްޒު ނ އަތޮޅަށް ކުރައްވާ ޒިޔާރަތުގެ ތެރެއިންނެވެ.
ނ. ވިހަފަރުގައި އެއާޕޯޓް އަަޅަން ބިން ހިއްކުން ފެށުމަށް މިއަދު ބޭއްވި ރަސްމިއްޔާތުގައި ރައީސް ޑރ. މުއިއްޒާއި ސަރުކާރުގެ ބައެއް އިސްވެރިން ބައިވެރިވެޑައިގަތެވެ. ބިން ހިއްކުމުގެ މަސައްކަތް ރަސްމީކޮށް ފައްޓަވާދެއްވީ އިކޮނޮމިކް މިނިސްޓަރު މުހައްމަދު ސައީދާއި މޯލްޑިވްސް އެއާޕޯޓް ކޮމެޕެނީ ލިމިޓެޑް،(އެމްއޭސީއެލް) ގެ ސީއީއޯ އިބްރާޙީމް ޝަރީފް މުހައްމަދުއެވެ.
ނ. ވިހަފަރުގައި އެއާޕޯޓް އަަޅަން 42 ހެކްޓާރު ބިން ހިއްކުމަށް ވަނީ ނިންމާފައެވެ. އަދި މި ބިން ހިއްކުމަށް ހަމަޖެހިފައިވަނީ 1.6 މީޓަރުގެ އުސްމިނުގައިކަމަށް ސަރުކާރުން ބުނެއެވެ.
ނ. ވިހަފަރުގައި އެއާޕޯޓް އަޅަނީ އެ އަތޮޅުގެ ހުޅަނގު ބިތުގައި އެއާޕޯޓެއް ނެތުމުންނެވެ. ނ. އަތޮޅުގައި މިހާރު އޮންނަނީ ހަމައެކަނި މާފަރުގައެވެ.
