މިއީ ގިނަ ބަޔަކު ހައިރާން ކުރުވި ކަމަކަށް ވިޔަސް، މީގެ ފަހަތުގައި ވަނީ "ވަރަށް ލޯބި" ސިއްރެކެވެ.
"ހާޕާސް ބާޒާ އިންޑިއާ" އަށް ދިން އިންޓަވިއުއެއްގައި، ދަބަހުގައި އޮތް އެންމެ އާދަޔާ ހިލާފު އެއްޗަކީ ކޮބައިތޯ ސުވާލުކުރުމުން ދީޕިކާ ހާމަކުރީ މި މަޖާ ހާދިސާއެވެ.
ރޮށިކޮޅު ދަބަހަށް އައީ ކިހިނެއް؟
ދީޕިކާ ކިޔައިދިން ގޮތުގައި އެ ރޮށިކޮޅަކީ އޭނާ ބަނޑުހައިވެގެން ކާން ގެންގުޅުނު އެއްޗެއް ނޫނެވެ. އެއީ އޭނާގެ ކުޑަ ދަރިފުޅު، ދުއާ ޕަދްކޯން ސިންގް ކާން ގެންގުޅުނު އެއްޗެކެވެ.
މި ވާހަކައިން ދޭހަވަނީ ކިތަންމެ ބުރަކޮށް މަސައްކަތް ކުރި ނަމަވެސް، އަދި ކިތަންމެ މަޝްހޫރު ވިޔަސް، ދީޕިކާއަކީ ވެސް ދަރިފުޅުގެ ކަންކަމުގައި އުޅޭ އާދައިގެ މަންމައެއް ކަމެވެ.
މި އިންޓަވިއުގައި އިތުރަށް ވާހަކަ ދައްކަމުން ދީޕިކާ ބުނީ، މިހާރު އޭނާގެ ހުރިހާ ވަގުތެއް ހުސްވެފައިވަނީ ދަރިފުޅަށް ކަމަށެވެ. އަދި މިހާރު އަމިއްލަ ނަފްސަށް ވުރެ ބޮޑަށް "އޮބްސެސް" ވެފައިވަނީ ދަރިފުޅު ދުއާ ދެކެ ކަމަށް އޭނާ ބުންޏެވެ. އަދި މި ދުވަސްކޮޅު އެންމެ ގިނައިން ކިޔަނީ ވެސް "ހެޑް، ޝޯލްޑާސް، ނީޒް އެންޑް ޓޯޒް" ފަދަ ކުޑަކުދިންގެ ލަވަތައް ކަމަށް ދީޕިކާ ހާމަކުރިއެވެ.
ދީޕިކާގެ މި "ސާދާ" ވާހަކަތަކާ ގުޅިގެން ފޭނުން އަންނަނީ އޭނާއަށް ވަރަށް ބޮޑަށް ތައުރީފު ކުރަމުންނެވެ.
