ކަން ރައީސް އިއުލާންކުރެއްވީ، މަޖިލިސް މިއަހަރަށް ހުޅުވުމަށް ބޭއްވި ޖަލްސާގައި އިއްވި ރިޔާސީ ބަޔާނުގައި ސަރުކާރުގެ ކުރިޔަށް ހުރި ސިޔާސަތުތައް ހާމަކުރައްވަމުންނެވެ.
ކުދި އަދި މެދުފަންތީގެ ވިޔަފާރީތައް އިތުރުކޮށް، ކުރިއަރުވާ މަގުފަހިކުރުވުމުގެ ގޮތުން ރާއްޖޭގެ ކަނޑައަޅޭ ވަކި ސަރަހައްދުތަކެއް، ކަނޑައެޅޭ ވަކި މުއްދަތުތަކަަކަށް ގިނަ ލުއިތަކަކާ އެކު ކުދި އަދި މެދުފަންތީގެ އިންވެސްޓްމަންޓުތަކަށް ހުޅުވާލަން ނިންމާފައިވާކަން ރައީސް މުއިއްޒު ވަނީ އިއުލާންކުރައްާފައެވެ.
އެގޮތުން ބިމު ކުއްޔާއި އިންކަމް ޓެކްސް ފަދަ ސީދާ ވިޔަފާރިތަކުން ދައުލަތަށް ދައްކާ ޓެކްސް ނުދައްކާ ގޮތަށް ހަމަޖެއްސުމާއި އެހެނިހެން އިންސެންޓިވްތައް ދިނުން ހިމެނޭކަން ފާހަގަކުރައްވަމުން ރައީސް މުއިއްޒު ވިދާޅުވީ އަންނަ އަހަރުން ފެށިގެން ތިން އަހަރުގެ މުއްދަތަކަށް އެ ލުއިތަކާ އެކު، އައްޑޫގައި އިންވެސްޓުކުރަން ފުރުދސަތު ހުޅުވާލަން ނިންމާފައިވާކަމަށެވެ.
ރައީސްް މުއިއްޒު ވިދާޅުވީ ސަރުކާރުގެ މި ނިންމުމުގެ ސަބަބުން އައްޑޫ ސިޓީގައި އެތަކެއް ވަޒީފާތަކެއް އުފެދިގެންދާނެ ކަމަށާއި އެއީ މުޅި ރާއްޖެއަށް ވެސް އިގުތިސާދީ ގޮތުން ގިނަ ފައިދާތަކެއް ކުރާނެކަމެއްކަމަށެވެ.
.
