ބިރުވެރި ހަގީގަތަކީ، މީގެ 1400 އަހަރު ކުރިން އެކަލޭގެފާނު ވިދާޅުވެދެއްވި "ކުދި އަލާމާތްތަކުގެ" ތެރެއިން ގިނަ ކަންތައްތައް މިއަދު އަޅުގަނޑުމެންގެ ލޯމަތިން މިދަނީ ފެންނަމުންނެވެ.
1. ވަގުތުގެ ބަރަކާތް ކެނޑި، ޒަމާން ކުރުވުން
މިއަދު އެންމެން ކުރާ ޝަކުވާއަކީ "ވަގުތު ނުވާ" ވާހަކައެވެ. ހަފްތާއެއް ނިމިގެންދަނީ އެސްފިޔަ ޖަހާލާހާ އަވަހަށެވެ. މިއީ ޙަދީޘްގައި އައިސްފައިވާ ކަމެކެވެ.
މިއަދު އަޅުގަނޑުމެންގެ ދިރިއުޅުމުން މިކަން މިވަނީ ތަޖުރިބާ ކުރެވިފައެވެ.
2. އުސް އިމާރާތްތައް އެޅުމުގައި ވާދަކުރުން
ޖިބްރީލްގެފާނު ރަސޫލާ (ޞޢވ) ގެ އަރިހަށް ވަޑައިގެން ޤިޔާމަތުގެ އަލާމާތްތަކާ ބެހޭގޮތުން ސުވާލުކުރެއްވުމުން ދެއްވި ޖަވާބު ވަރަށް ފާހަގަކޮށްލެވެއެވެ.
މިއަދު އަރަބި ދުނިޔެއަށް ބެލިކަމުގައި ވިޔަސް، އަދި ދުނިޔޭގެ އެހެން ކަންކޮޅުތަކަށް ބެލިޔަސް، ފެންނަމުންދަނީ އެންމެ އުސް ޓަވަރު އެޅުމަށް ގައުމުތަކުން ކުރާ ވާދައެވެ. މިއީ މީގެ ގަރުނުތަކެއް ކުރިން ސަހަރާއެއް ގައި ދިރިއުޅުނު ބަޔަކު ކުރާނެ ކަމަށް އޭރު ހީވެސް ނުކުރާ ކަމެކެވެ.
3. ފާހިޝް ކަންތައްތައް އާންމުވުމާއި "ޒިނޭ" އާދައިގެ ކަމަކަށްވުން
މިއަދު މުޖުތަމައުތަކުގައި ފާހިޝް އަމަލުތައް ހިންގަނީ ސިއްރަކުން ނޫނެވެ. ސޯޝަލް މީޑިއާގައި އެކަންކަން އިޝްތިހާރު ކުރަނީއެވެ.
މިއަދު ޒިނޭއަށް "ލޯބިވެރިންގެ ގުޅުން" ކިޔައި، ރަލަށް "ބުއިން" ކިޔައި ނަން ބަދަލުކޮށްގެން އުޅުނަސް، ޙަޤީޤަތަކީ މިއީ ނުބައިކަން ބޮޑުވެގެންވާ ފާފަތައް އާންމުވުމެވެ.
4. މަރުތައް ގިނަވުން (ހަރަޖު ގިނަވުން)
ކުއްލި މަރުތައް ގިނަވުމާއި، ސަބަބެއް ނެތި މީހުން މެރުން ގިނަވުމަކީވެސް އަލާމާތެކެވެ. ރަސޫލާ (ޞޢވ) ޙަދީޘް ކުރެއްވީ ޤިޔާމަތް ކައިރިވުމުން "ހަރަޖު" (ގަތުލުކުރުން) ގިނަވާނެ ކަމަށެވެ. މިއަދު ދުނިޔޭގެ ޚަބަރުތައް ބަލާލުމުން ފެންނަނީ ހަނގުރާމަތަކާއި ލޭއޮހޮރުވުންތަކެވެ. ގާތިލަށް އޭނާ މީހަކު މެރީ ކީއްވެކަން ނޭނގޭ ހިސާބަށް ކަންކަން ވަނީ ގޮސްފައެވެ.
ބިރުގަންނަންވީތަ؟ ނުވަތަ ތައްޔާރުވާންވީތަ؟
މި ވާހަކަތަކަކީ މީހުން މާޔޫސްކޮށް ބިރުގަންނަވާކަށް ދައްކާ ވާހަކައެއް ނޫނެވެ. މިއީ ޣާފިލުކަމުން ހޭލުމަށް އޮތް "އެލާމް" އެކެވެ.
ބޮޑެތި އަލާމާތްތައް (ދައްޖާލު ފާޅުވުން، އިރު ހުޅަނގުން އެރުން ފަދަ ކަންކަން) އަދި ފެންނާކަށް ނުފަށައެވެ. އެހެންކަމުން ތައުބާގެ ދޮރު އަދިވެސް ވަނީ ހުޅުވިފައެވެ.
ވީމާ، ސުވާލަކީ ޤިޔާމަތް ވާނީ ކޮން އިރަކުންތޯއެއް ނޫނެވެ. ސުވާލަކީ، މިހާރު ފެންނަމުންދާ އަލާމާތްތަކުން އިބްރަތް ހާސިލުކޮށް، އަހަރެމެން އެދުވަހަށް ތައްޔާރުތޯއެވެ؟
