މުއްތަލިބު މީހެން ވިދާޅުވީ، ކުރިޔަށް އޮތް ލޯކަލް ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިހާބުގައި ޕީއެންސީ ވާދަކުރާ ކެންޑިޑޭޓުން ތައާރަފުކުރަން ރޭ އެ ސިޓީގައި ބޭއްވި ޖަލްސާގައި ވާހަކަ ދައްކަވަމުންނެވެ.
ކުޅުދުއްފުށީގައި އަޅަން ނިންމާފައިވާ 2،000 ހައުސިން ޔުނިޓުގެ މަސައްކަތް ހަވާލުކޮށްފައިވަނީ އެޗްޑީސީއާއެވެ. މުއްތަލިބް ރޭ ވިދާޅުވީ މި ހައުސިން ޔުނިޓްތައް ހަދައިދޭނެ ބަޔަކު ހޯދުމުގެ މަސައްކަތް މިހާރު ކުރަމުން އަންނަކަމަށާއި މި އަހަރު މަސައްކަތް ފަށާ ހައުސިން ޔުނިޓަށް ކުރިމަތިލާންވެސް މިއަހަރު ހުޅުވާލާނެކަމަށެވެ.
ކުޅުދުއްފުށީގައި ޕީއެންސީން ބޭއްވި ކެމްޕެއިން ޖަލްސާގެ ތެރެއިން
މުއްތަލިބު ވިދާޅުވީ ކުޅުދުއްފުށީ ހައުސިން ޔުނިޓް އަޅަން އެޗްޑީސީއާ ހަވާލުކުރީ މިިދިޔަ ސަރުކާރުން އެ މަސައްކަތް ކުރަން ދިން ކުންފުނިން އެކަން ނުކުރުމުންކަމަށެވެ. އެގޮރުން ކުރީ ސަރުކާރުން ކުޅުދުއްފުށީގައި ހައުސިން މަޝްރޫއުގެ މަސައްކަތް ފަށާފައިވަނީ 2022 ވަނަ އަހަރުގެ ޖުލައިމަހުގެ ތެރޭގައިކަމަށެވެ. އަދި އެ މަސައްކަތް ހަވާލުކުރީ އެމްޑީޕީގެ މަޖިލިސް މެމްބަރެއްގެ ކުންފުންޏަކާއި ކަމަށްވެސް މުއްތަލިބު ވިދާޅުވިއެވެ.
ކުރީގެ ސަރުކާރުން އެ ކުންފުންޏަށް އެޑްވާންސް ފައިސާގެ ގޮތުގައި 65 މިލިއަން ރުފިޔާދީ މަސައްކަތް ހިނގަމުން ދަނިކޮށް އިތުރު 21 މިލިއަން ރުފިޔާ ދިންކަމަށްވެސް މުއްތަލިބު ވިދާޅުވިއެވެ. އެހެންނަމަވެސް ސަރުކާރު ބަދަލުވިއިރު ނިމުނީ މަސައްކަތުގެ 18 އިންސައްތަކަންވެސް މުއްތަލިބު ވަނީ ފާހަގަކޮށްފައެވެ.
