"ނޯތު އެމެރިކަން މެނޮޕޯޒް ސޮސައިޓީ" އިން ޝާއިއުކޮށްފައިވާ ދިރާސާއެއްގައި، އުމުރުން 57 އަހަރާއި 68 އަހަރާ ދެމެދުގެ އަންހެނުންގެ މައުލޫމާތު ވަނީ ދިރާސާކޮށްފަ އެވެ. މި ދިރާސާއިން ދެއްކި ގޮތުގައި ހަފުތާއަކު އެއް ދުވަހު މާމަ ދަރިން ބެލެހެއްޓުމުގައި ވަގުތު ހޭދަކުރާ މީހުންގެ ވިސްނުމާއި ހަނދާން، އެކަން ނުކުރާ މީހުންނަށްވުރެ މާ ރަނގަޅެވެ.
ނަމަވެސް މި ދިރާސާއިން ފާހަގަކުރެވުނު އަނެއް ކަމަކީ، ހަފުތާއަކު 5 ދުވަހު ނުވަތަ އެއަށްވުރެ ގިނައިން ކުދިން ބެލުމުގައި ބުރަކޮށް އުޅޭނަމަ، އޭގެ ނަތީޖާ ގޯސްވާ ކަމެވެ. އެހެންކަމުން ސިކުނޑިއަށް ފައިދާ ކުރަނީ މިންހެޔޮ ގޮތެއްގައި ވަގުތު ހޭދަކުރުމުންނެވެ.
އޭނާ ލަފާދެއްވަނީ އުމުރުން ދުވަސްވީ މީހުން ގޭގައި އެކަނި ތިބުމުގެ ބަދަލުގައި، އާއިލާއާ ގުޅިގެން މާމަ ދަރިންނާއެކު ވަގުތު ހޭދަކުރުމަށެވެ. މިއީ ނަފްސާނީ ދުޅަހެޔޮކަން އިތުރުކޮށްދީ، އުފާވެރިކަން ގެނުވައިދޭ ކަމެކެވެ.
