މި ލެބޯޓްރީ މިއަދު ހުޅުއްވައިދެއްވީ ހެލްތު މިނިސްޓަރު އަބްދުﷲ ނާޒިމެވެ.
މިއީ ރައީސް ޑރ. މުހައްމަދު މުއިއްޒުގެ ވައުދުފުޅުތަކުގެ ތެރެއިން، "ލޭގެ ބަލިތަކަށް ހާއްސަ ކުރެވިގެން ވަށާ ޖެހޭ ފަރުވާގެ ނިޒާމެއް ގާއިމު ކުރުން". ގެ ތެރެއިން ފެށިގެން ދިޔަ ހިދުމަތެއް ކަމަށް ހެލްތު މިނިސްޓްރީން ބުންޏެވެ.
މި ރަސްމިއްޔާތުގައި ވާހަކަ ދައްކަވަމުން އަބްދުއްރައްޒާގު ވިދާޅުވީ މި ލެބާއެކު އާއިލީ ގޮތުން ވާރުތަކުރާ ލޭގެ މިއުޓޭޝަންސްގެ މުހިންމު ބާވަތްތައް ރާއްޖޭގައި ތަހުލީލު ކުރެވި، ނަތީޖާ ލިބިގެން ދާނެ ކަމަށެވެ. އެގޮތުން ޖުމްލަ 27 ބާވަތުގެ މިއުޓޭޝަންސް މި ލެބުން ދެނެގަނެވޭނެކަން އޭނާ ފާހަގަކުރެއްވި އެވެ.
މިއީ ލޭގެ ފަރުވާ ހޯދާ ފަރާތްތަކަށް މުހިންމު ތަހުލީލު ތަކެއް ކަމަށާއި، ރާއްޖޭގައި ފެންނަ ލޭގެ ބަލީގެ ބާވަތްތަކަށް ބަލައި، މިކަމަށް ހާއްސަ ކުރެވިފައިވާ ކިޓްތައް ފަރުމާކޮށްފައި ވަނީ ދިވެހިންނަށް ހާއްސަ މިންގަނޑުތަކަށް ރިއާޔަތްކޮށްގެންކަން ވެސް އޭނާ ފާހަގަކުރެއްވި އެވެ.
މިއީ ތެލެސީމިއާ ސެންޓަރު ހުޅުމާލެއަށް ބަދަލު ކުރި ފަހުން، ފެށި ތިން ވަނަ ހިދުމަތެވެ. މީގެ ކުރިން އެންޑޮކްރައިނޮލޮޖީ، އެތެރެ ހަށީގެ ބަލިތަކަށް ހާއްސަ، އަދި ހެމަޓޮލޮޖީ ކްލިނިކް ގާއިމް ކުރުމާއި، އަދި ތެެެލެސީމިއާ ބަލި މީހުންނަށް ޕޭޝަންޓް ކެއާގެ ސެންޓަރުގެ ހިދުމަތް ހިމެނެ އެވެ.
