މިއަދު މަޖިލީހުގައި ކުރިއަށްދަނީ ރައްޔިތުންގެ މަޖިލީހުގެ އިންތިހާބާއި ރިޔާސީ އިންތިހާބު އެއްކޮށްލާ މިހާރު ހިނގަމުންދާ މަޖިލީހުގެ ދައުރު ކުރު ކުރުމަށް ގާނޫނުއަސާސީ ބަދަލުކުރުމަށް ސަރުކާރުގެ ފަރާތުން މަޖިލީހަށް ހުށަހެޅި ބިލުގެ މަސައްކަތެވެ.
މިނިވަން މުއައްސަސާތަކާ ބެހޭ ކޮމިޓީން ދިރާސާކުރުމަށްފަހު އެ ބިލު ފާސްކޮށްފައިވަނީ ތަޅުމަށް ހުށައަޅާފައިވަނީ އެއްވެސް ބަދަލެއް ނުގެނެސްއެވެ. ކޮމެޓީގެ ބިލަށް ބަހުސް ފެށުމާއި އެކު އިދިކޮޅު މެމްބަރުން ވަނީ ގާނޫނު އާސާސީއަށް ގެންނަ އިސްލާހަކީ ގަވައިދާ ހިލާފަށް ކުރާކަމެއްކަމަށް ބުނެ ނުރުހުން ފާޅުކުރަމުންނެވެ.
މި ޖަލްސާގައި ވާހަކަ ދައްކަވަމުން ގަލޮޅު ދެކުނު ދާއިރާގެ މެމްބަރު މީކާއިލް އަހްމަދު ނަސީމު ވިދާޅުވީ ގާނޫނު އަސާސީ އިސްލާހުކުރަނީ ހީލަތްތެރި ރޭވުމަކުންކަމަށެވެ.އެގޮތުން ގާނޫނު އަސާސީއަށް އިސްލާހު ގެންނަ ކޮންމެ ފަހަރަކު އެކަން ކުރަނީ މަޖިލިސް ޗުއްޓީގައި އޮއްވާ އަވަސް އަރުވާލައިގެންކަމަށެވެ.
މީކާއިލް ވިދާޅުވީ 20 ވަނަ ރައްޔިތުން މަޖލިސް މި ނޫން ގޮތަކަށް ހިނގާނެކަމަށް އުއްމީދު ނުކުރައްވާކަމަށެވެ. އަދި މީ އަމިއްލައަށް ފިޔަ ކޮށާލައިގެން ތިބި ގަމާރުން ތިބި މަޖިލިހެއްކަމަށް މީކާއިލް ވިދާޅުވިއެވެ.
މިއަދުގެ ޖަލްސާ ފެށުނުތާ ކުޑައިރުކޮޅެއް ނުވަނީސް ވަނީ ކެންދޫ ދާއިރާގެ މެންބަރު މައުރޫފް ޒާކިރުގެ ނަން އިއްވައި ތަޅުމުން ނެރެފައެވެ.
