ފުލުހުން ބުނީ މި މި އެކްސިޑެންޓުގެ ރިޕޯޓް ލިބުނީ ރޭ 23:15 ހާއިރުކަމަށެވެ.
މި ހާދިސާ ހިނގީ މާލެއިން ހުޅުމާލެއަށް ދަތުރުކުރި ކާރަކާއި، ހުޅުމާލެއިން އެއާޕޯޓަށް ދާން އޮންނަ މަގަށް އެޅި ސައިކަލެއް ޖެހިގެންކަމަށް ފުލުހުން ބުނެއެވެ.
މި އެކްސިޑެންޓުގައި ސައިކަލު ދުއްވަން އިން މީހާ ޒަހަމްވެގެން އޭނާއަށް އައިޖީއެމްއެޗްގައި ފަރުވާ ދެމުންދާކަމަށް ފުލުހުން ބުނެއެވެ. ފުލުހުން ބުނީ މި މައްސަލަ ތަހުގީގުކުރަމުން އަންނަކަމަށެވެ.
މިދިޔަ ހަފްތާގައިވެސް ބްރިޖުގައި ވަނީ ނުރައްކާތެރި އެކްސިޑެންޓެއް ހިންގާފައެވެ. 2 ކާރާއި 4 ސައިކަލް ޖެހި ހިނގި މި އެކްސިޑެންޓުގައި 4 މީހަކު ޒަހަމްވެ ވަނީ ފަރުވާދީފައެވެ.
