މިނިސްޓަރު ޝަހީމް ވިދާޅުވީ ރޯދަމަހަށް ސަލްމާން މިސްކިތް އޭސީ މައްސަލަވެސް ހައްލުކޮށް ނިންމާފައިވާކަމަށެވެ. އެއާއި އެކު 15 މިސްކިތް ހުޅުވި، ރޯދަ މަސްތެރޭ ވެސް ބައެއް ތަންތަން ހުޅުވޭނެކަމަށާއި ޖުމުލަ 19 މިސްކިތް މި ރޯދަމަހު ހުޅުވިގެންދާނެކަމަށެވެ. އޭގެ ތެރޭގައި އަމިއްލަ ފަރާތްތަކާއި ސަރުކާރުން ބިނާކުރި މިސްކިތްތައް ހިމެނޭކަން މިނިސްޓަރު ފާހަގަކުރެއްވިއެވެ.
ރޯދައަށް މިސްކިތްތަކަށް ގެނައި ބަދަލު ހާމަކުރައްވަމުން މިނިސްޓަރު ޝަހީމް ވިދާޅުވީ މާލެ ސިޓީ 800 މީހުންނަށް ވުރެ ގިނަ މީހުން ނަމާދުކުރާ މިސްކިތްތައް ފިރިހެނުންނާއި އަންހެނުންގެ ނަމާދުކުރާ ބައިތައް އޭސީ ކޮށްފައިވާކަމަށެވެ.
އޭގެއިތުރުން މި ރޯދަމަހު ކުރާނެ ބައެއްކަންކަން މިނިސްޓަރު ޝަހީމް ވަނީ ފާހަގަކުރައްވާފައެވެ.
މީގެ އިތުރުން މިއަހަރަކީ އެންމެ ގިނަ ހާފިޒުން ދަސްވެނި ވާ އަހަރުކަމަށްވެސް މިނިސްޓަރު ޝަހީމް ވިދާޅުވިއެވެ. އަދި ޤުރުއާން ޓީޗަރުން ނެތް 10 ރަށަށް ރާއްޖެއިން ބޭރުން ޓީޗަރުން ގެނެސް ޤުރުއާން މަރުކަޒުގެ 10 ގޮތްޕަކަށް އިއްޔެ 10 ޓީޗަރުން ވަނީ ފޮނުވާފައިވާކަމަށްވެސް މިނިސްޓަރު ޝަހީމް ވިދާޅުވިއެވެ.
