މާލޭ ސިޓީގެ މޭޔަރު އާދަމް އާޒިމް ވިދާޅުވީ މާލޭގެ މަގުތަކަށް ކިޔާ ނަންތައް އެނގޭގޮތަށް ބޯޑުތައް ނެތްތާ 10 ވަރަކަށް އަހަރު ވެފައިވާކަމަށެވެ. އެހެންކަމުން މާލޭ ވިލުމާލޭގެ މަގުތަކުގައި ނަން ބޯޑުތައް ހަރުކުރުމުގެ މަސައްކަތް ފަށާފައިވާކަމަށް އާޒިމް ވިދާޅުވިއެވެ.
ހުޅުމާލެ އާއި މާލެއާއި ވިލިމާލެއަކީ މާލޭ ސިޓީގެ ތިން ރަށްކަމަށްވުމުން ތިން ރަށުގައިވެސް އެއް ގޮތަށްކަންކަން ކުރުމަށް މާލެއާއި ވިލިމާލޭ މަގުތަކުގައި ބަހައްޓާނީ ހުޅުމާލޭގައި ހުރި ކަހަލަ ބޯޑުތައްކަމަށް އާޒިމް ވިދާޅުވިއެވެ.
މާލެއާއި ވިލިމާލޭގައި ނަން ބޯޑު ހަރުކުރުމުގެ މަސައްކަތް ދެ ހަފްތާ ނޫނީ ތިން ހަފްތާގެ ތެރޭގައި ނިންމާލާނެކަމަށް އާޒިމް ވިދާޅުވިއެވެ.
