މައުލޫމާތު ލިބިފައިވާ ގޮތުގައި 16 އަހަރުގެ ކުއްޖާ ނިޔާވި އެކްސިޑެންޓްގައި ސައިކަލު ދުއްވަން އިނީ 19 އަހަރުގެ މީހެކެވެ. އޭނާ ހައްޔަރު ކުރީ ކޯޓު އަމުރެއްގެ ދަށުންނެވެ. އެކަމަކު ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން، ޝަރުތުތަކަކާއެކު އޭނާވަނީ ދޫކޮށްލާފައެވެ.
އެ އެކްސިޑެންޓުގައި ނިޔާޥީ ބ. ދަރަވަންދޫ، ހިޔަލީގުލްޝަން، މުހައްމަދު ނިހާން ނާޒިމް، 16، އެވެ. އެއީ އިމާދުއްދީން ސްކޫލްގެ ގްރޭޑް 10 ގައި ކިޔަވަމުން އައި އަދި މި އަހަރުގެ އޯ ލެވެލް އިމްތިހާނު ވެސް ހަދަމުން އައި ދަރިވަރެކެވެ.
