މަލީޝާ ހައްޖު ގްރޫޕުގެ ވެރިޔާ ހުޅުމާލެ، އާފީނިވިލާ އިސްމާއީލް އަބްދުއްލަތީފްގެ މ. އަތަމާޕެލަސް، ޖާބިރު ބައްލަވައިގަތީ 2010 ވަނަ އަހަރު 14 މިލިއަން ރުފިޔާ އަށެވެ. އެކަމަކު، އިސްމާއީލް އަބްދުއްލަތީފްގެ މައްޗަށް ސާބިތުވި ދަރަންޏެއްގެ މައްސަލައެއްގެ އެ ގެ ވިއްކާލަން އިއުލާންކުރިއެވެ.
ދަރަނި ދެއްކެނީ އެ ގެ ވިއްކާލައިގެން ކަމަށް އޭނާ އަށް ދައުވާ ކުރި ފަރާތާއެކު ކޯޓުގައި އެއްބަސްވުމުން ޖާބިރު އޭރު އެ މައްސަލައިގެ ތެރެއަށް ތަދައްހުލްވެ ވަޑައިގަތް ނަމަވެސް، އެ މައްސަލައިން ޖާބިރު އޭރު ބޭރު ކުރި އެވެ.
އެކަމަކު، އަތަމާޕްލާޒާ މައްސަލައިގައި ސިވިލް ކޯޓުން އާދިއްތަ ދުވަހު ކުރި ހުކުމުގައިވަނީ، އަތަމާޕްލާޒާއަކީ ޖާބިރުގެ ތަނެއް ކަމަށް ކަނޑައަޅައި، ދެ މަސް ދުވަހުގެ ތެރޭގައި އެތަނުގެ ރަޖިސްޓްރީ ޖާބިރުގެ މައްޗަށް ބަދަލުކުރުމުގެ ޝަރުއީކަންކަން ފުރިހަމަ ކުރުމަށް އިސްމާއިލް އަބްދުއްލަތީފްގެ މައްޗަށް ހުކުމްކޮށްފަ އެވެ.
