ބޭނުންވާ ތަކެތި:
1 ޕާން (ބޮޑު)
4 ބިސް
1 ޖޯޑް ފާރޮށި ކުނޑި
2 ޖޯޑް ކުކިން އޮއިލް
2 ޖޯޑް ބޯންލެސް ޗިކަން
1 ސައިސަމުސާ އަސޭމިރުސް
1 މިރުސް (ކުދިކޮށް ކޮށާފަ)
1 ލީކުސް (ކުދިކޮށް ކޮށާފަ)
2 ކެޕްސިކަމް (ކުދިކޮށްކޮށާފަ)
4 ހިކަނދިފަތް (ކުދިކޮށް ކޮށާފަ)
ލޮނު (ރަހަލާވަރަށް)
2 ސަމުސާ ޗިލީ ސޯސް
2 ސަމުސާ އޮއިސްޓަރ ސޯސް
2 ސަމުސާ ސޯޔާ ސޯސް
2 ފިޔާ (ބޮޑު/ ތުނިކޮށް ކުދިކޮށް ކޮށާފަ)
ތައްޔާރު ކުރާނެގޮތް:
ފުރަތަމަ ޕާން ފޮތިތަށް ފަހަރަކު ފޮއްޗެއް ދަމާލާފަ ވަށްކޮށް ބުރަކަށް ވާ ގޮތަޑް ނަގާށެވެ. ދެން ތަށްޓަކަށް ބިސް ކޮޅު އަޅާލާފަ އޭގެ ތެރެއަށް ލާފަ ނަގާފަ، ތަށްޓަކަށް ފާރޮށި ކުނޑި އަޅާފަ އޭގެ ތެރެއަށް ލާފަ އެއަށްފަހު ނަގާ ތެޔޮކޮޅު ތެރޭގަ ފަހަރަކު 2 ނުވަތަ 3 އެތި ލައިގެން ތެލުލާލާށެވެ.
އެއަށްފަހު މަތީގަ ބުނި ފިޔާ، ކެޕްސިކަމް، ލީކުސް، އަސޭމިރުސް އަދި ލޮނު ކޮޅު އަޅައިގެން ހިކަނދިފަތްކޮޅާ ފިޔާކޮޅު ރަތްކޮށްލާށެވެ. ލޮނު، ޗިލީ ސޯސް، އޮއިސްޓަރ ސޯސް އަދި ސޯޔާ ސޯސް އަޅައިގެން ރަނގަޅަށް މަޑުގިނީގަ ކަށްކާލާފަ އޭގެތެރެއަށް ބޯންލެސް ޗިކަން ކޮޅު އަޅާ ރަނގަޅަށް ހުރިހާ އެއްޗެއް އެއްކޮށްލާށެވެ. އަދި ކުކުޅު ރަނގަޅަށް ކެކެންދެން މަޑުގިނީގަ ކައްކާލާށެވެ.
އެއަށްފަހު ކުރިން ތެލުލާފަ ނެގި ޕާން ފޮތިތަށް ފަހަރަކު ޕާން ފޮއްޗެއް ކަތުރުން ކަފާލާފަ އެތެރެއަށް ކުރިން ހަދާފަ ނެގި ބޯންލެސް ޗިކަން ކޮޅު އަޅާލާށެވެ.
މިހާރު މިހިރި ޗިކަން ބުރެޑް ޕޮކެޓް ހަދާ ނިމިފަ އެވެ. މީ ކާލަން މީރު ހަދާލަށް ވަރަށް ފަސޭހަ ކުޅި ކާ އެއްޗެކެވެ.
