ބޭނުންވާ ތަކެތި:
1 ކިލޯ ބޯވަ (ކުދިކޮށް ކޮށާފަ/ފެނު ކައްކާލާފަ)
2 ފިޔާ (ތުނިކޮށް ކޮށާފަ)
1 މިރުސް (ކުދިކޮށް ކޮށާފަ)
2 ލޮނުމެދު (ޕޭސްޓް)
1 ކެޕްސިކަމް (ކުދިކޮށް ކޮށާފަ)
1 ކޯޅި ހިކަނދިފަތް
1 ސަމުސާ ޗިލީ ޕައުޑަރު
1 ސަމުސާ (މަސް ހަވާދު)
1 ސަމުސާ (މުސަންމާ ހަވާދު)
3 ޕެކެޓް ޓޮމާޓޯ ޕޭސްޓް
1 ސައިސަމުސާ (އޮއިސްޓާ ސޯސް)
1 ސައިސަމުސާ (ސޯޔާ ސޯސް)
½ ޖޯޑް ކާށި ކިރު
ލޮނުކޮޅެއް (ރަހަލާ ވަރަށް)
ތައްޔާރުކުރާނެ ގޮތް:
ފުރަތަމަ ފިޔާ، ހިކަނދިފަތް، ލޮނުމެދު އަދި ކެޕްސިކަމް ކޮޅު އެއްކޮށްލާ، ފިޔާ ކޮޅު ރަތްކޮށްލާށެވެ. އެއަށްފަހު ޗިލީ ޕައުޑަރު، މަސްހަވާދު، މުސަންމާ ހަވާދު އަދި ޓޮމާޓޯ ޕޭސްޓް ކޮޅު އަޅައިގެން މަޑުގިނީގަ ކައްކާލާށެވެ. އެއަށްފަހު އޮއިސްޓާ ސޯސް އަދި ސޯޔާ ސޯސް ކޮޅު އަޅައިގެން ރަނގަޅަށް ހުރިހާ އެއްޗެއް އެއްކޮށް 2 މިނެޓް ވަރު ކައްކާލާށެވެ.
ދެން ރަހަލާ ވަރަށް ލޮނު ކޮޅެއް ލާފަ ކުރިން ފެނުކައްކާފަ ހުރި ބޯވަ ކޮޅު އޭގެ ތެރެއަށް އަޅާލާފަ ރަނގަޅަށް ހަވާދު ކޮޅާ ބޯވަ ކޮޅު އަޅާފަ އަދި ކާށިކިރު ކޮޅު އަޅާ ފަސް މިނެޓް ވަރު ހުރިހާ އެއްޗެއް އެއްކޮށް މަޑުގިނީގަ ކައްކާލާށެވެ. މިހާރު މިހިރީ ހަނާކުރި ބޯވަ ހަދާ ނިމިފަ އެވެ.
މީ ރޮށްޓައެކު އަދި ބަތާއެކީވެސް ކާލަށް ވަރަށް މީރު އެއްޗެކެވެ.
