މި މަޝްރޫއުގެ ދަށުން ދިއްދޫ ފުޓްބޯޅަ ދަނޑުގެ ސަބްބޭސް ތައްޔާރުކޮށް، ޕިޗު ހަދައި، ބައުންޑަރީ ފާރު އިމާރާތް ކޮށް، ފެންސް ޖަހައި. ލައިޓިން ސިސްޓަމް ހަރުކޮށް، އަދި ރޮސްޓްރަމް ހެދުމުގެ މަސައްކަތް ކުރުން ހިމެނެއެވެ.
4،186 މީހުންގެ އާބާދީއެއް އޮންނަ ދިއްދޫ އަކީ ހއ. އަތޮޅޫ ވެރިކަން ކުރާ ރަށެވެ. މިރަށުގައި ފިޓްބޯޅަ ދަނޑު ތަރައްގީ ކުރުމުގެ މަޝްރޫއުގެ މަސައްކަތް ނިމުމާއިއެކު ރައްޔިތުންނަށް ސިއްހީ ގޮތުންނާއި އިޖުތިމާއީ ގޮތުން ގިނަގުނަ މަންފާތަކަކާއި ފަސޭހަ ތަކެއް ލިބިގެންދާނެ އެވެ.
މި މަސައްކަތަކީ 28.50 މިލިއަން ރުފިޔާއަށް 360 ދުވަސްތެރޭ ނިންމަން އެމްޓީސީސީ އާ ހަވާލުކޮށްފައިވާ މަޝްރޫއެކެވެ.
ސްޕޯޓްސް ފިޓްނަސް އެންޑް ރެކްރިއޭޝަންސްގައި އިއްޔެ ބޭއްވި ރަސްމިއްޔާތެއްގައި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ޑެޕިއުޓީ މިނިސްޓަރު މުހައްމަދު ފައްޔާޒު އެވެ. އެމްޓީސީސީގެ ފަރާތުން އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރު މުހައްމަދު ޖަމްޝީދު އެވެ.
