މަރުކަޒީ ބޭންކުން ހާމަކުރި ގޮތުގައި، މި ފޮޓޯތައް ހޯދުމުގެ މައިގަނޑު މަގްސަދަކީ އެ އޮތޯރިޓީގެ މުއްސަނދި ތާރީހު ފެންނާނެ ފަދަ ލިޔުމެއް އެކުލަވައިލުމެވެ. މި ގޮތުން ހުށަހަޅާ ފޮޓޯތައް ފޮތުގައި ބޭނުންކުރާނީ ފޮޓޯގެ ވެރިފަރާތާއެކު ވާހަކަދެކެވި، ވަކި އެއްބަސްވުމެއްގެ ދަށުން ކަމަށްވެސް އެމްއެމްއޭއިން މައުލޫމާތު ދެއެވެ.
އެމްއެމްއޭއާ ގުޅުންހުރި އެކި ދުވަސްވަރުގެ ތާރީހީ ފޮޓޯތައް ފޮނުވުމުގެ ފުރުސަތު މިހާރު ވަނީ އާންމުކޮށް ހުޅުވާލާފަ އެވެ. މިގޮތުން ފޮޓޯ ހުށަހަޅަން ބޭނުންވާ ފަރާތްތަކުން މިމަހު 24 ވަނަ ދުވަހުގެ މެންދުރުފަހު 3:00 ގެ ކުރިން [email protected] އަށް އީމެއިލް މެދުވެރިކޮށް ފޮޓޯތައް ފޮނުއްވުމަށް އެ އޮތޯރިޓީން އެދެއެވެ.
މަރުކަޒީ ބޭންކާ ގުޅޭ ތާރީހީ ފޮޓޯތައް، އެއްވެސް މީހެއްގެ އަތުގައި ހުރި ނަމަ ކަނޑައެޅިފައިވާ މުއްދަތުގެތެރޭގައި އެމްއެމްއޭއާ ހިއްސާކުރަން ވެސް އިއުލާނުގައި ވަނީ އެދިފަ އެވެ.
