އެމްޕީއެލް އިން މިރޭ ކުރި އިއުލާނެއްގައި ވިދާޅުވީ، އެރަށުގައި ޔޮޓް މެރީނާ ޑިޒައިންކުރުމާއި އިމާރާތްކޮށްދޭން ޝައުގުވެރިވާ ފަރާތްތަކުން އަންދާސީ ހިސާބު ހުށަހެޅުން އެދޭ ކަމަށެވެ.
މިގޮތުން މާރިޗް 9ގެ 13:00 އަށް [email protected] އަށް އީމެއިލް މެދުވެރިކޮށް އަގު ހުށަހެމަށް އެ އިއުލާނުގައި ވެއެވެ.
މީގެ އިތުރުން 3039241 ނަންބަރު ފޯނާ ގުޅައިގެން ވެސް މައުލޫމާތު ސާފުކުރެވޭނެ އެވެ.
ބިޑް ހުށަހަޅާއިރު އަގު ހުށަހަޅާ ފޯމުގެ އިތުރުން، އެ ދާއިރާއިން ލިބިފައިވާ ތަޖުރިބާ އާއި މައުލޫމާތު ޝީޓުގައި ބަޔާންކޮށްފައިވާ އެންމެހައި ލިޔެކިޔުންތައް ހުށަހަޅަން ޖެހެއެވެ. އެމްޕީއެލް އިން ބުނި ގޮތުގައި، ބިޑްތަކަށް ރަޖިސްޓަރީ ވުމުގެ ކުރިން އެ ކުންފުނީގެ ސަޕްލަޔަރ ޕޯޓަލްގައި ރަޖިސްޓަރީ ވާންޖެހޭނެ އެވެ.
އުލިގަމުގައި ޔޮޓް މެރީނާއެއް ތަރައްގީކުރަން ނިންމައި އެމްޕީއެލްއާ އެކު އެމްއޯޔޫއެއްގައި ސޮއިކުރިކަން ރައީސް ޑރ. މުހައްމަދު މުއިއްޒު އިއުލާންކުރެއްވީ މިދިޔަ އަހަރުގެ ޖެނުއަރީ މަހު ހއ. އަތޮޅަށް ކުރެއްވި ދަތުރުފުޅުގައި އުލިގަމުގެ ރައްޔިތުންނާ ބައްދަލުކުރައްވަން ބޭއްވި ބައްދަލުވުމުގަ އެވެ
