ބޭނުންވާ ތަކެތި:
1 ޖޯޑް ދަނޑިއަލުވި (ހިމުންކޮށް ގާނާފަ)
1 ޖޯޑް ހަކުރު
1 ޖޯޑް ގަބުޅި ހުނި
1 ސައިސަމުސާ އެސެންސް
1 ބިސް
½ ޖޯޑް ފުށް
1 ސައިސަމުސާ ކޯން ފުލާ
½ ޖޯޑް ނޫނީ ހުރިހާ އެއްޗެއް ގިރާލެވޭ ވަރަށް ފެން
ތައްޔާރު ކުރާނެގޮތް:
ފުރަތަމަ ހިމުންކޮށް ގާނާފަ ހުރި ދަނޑިއަލުވި ކޮޅާ، ހަކުރު، ގަބުޅި ހުނި، އެސެންސްކޮޅު، ބިސް އަދި ކޯންފުލާ އަޅައިގެން ފެންކޮޅު އަޅާ ހުރިހާ އެއްޗެއް ރަނގަޅަށް އެއްކޮށްލާށެވެ. އެއަށްފަހު ފުށްކޮޅުވެސް އެއަށް އަޅާލާ ރަނގަޅަށް ހުރިހާ އެއްޗެއް އެކީ އަނެއްކާވެސް އެއްކޮށްލާށެވެ.
ދެން ތަވައެއް އުދާ މަޑުގިނީގަ ބަހައްޓާ ތަވާ ގަ ތެޔޮކޮޅެއް ހާކާ ދެންމެ ގިރާލި ފުށްކޮޅު ތަވައަށް އަޅާ ރަނގަޅަށް މަތިޖަހައިގެން ފިހެލާށެވެ. އެއް ފުށް ފިހެވުމުން އަނެއް ފުށަށް ޖަހާ ރަނގަޅަށް ފިހެލާށެވެ.15 ވަރަކަށް މިނެޓުން އެއްކޮށް ބޯކިބާ ފިހެލެވޭނެ އެވެ.
މީ ކާލަށް ވަރަށް މީރު ފޮނިކާ އެއްޗެކެވެ. އަޅެ މީތި މި ރޯދަމަހު ތައްޔާރުކޮށްލާ އަޖުމަބަލާލާށެވެ.
