ދިވެހި ފުލިހުން ބުނީ ތައިލޭންޑުގެ ޖަލެއްގައި ހުއްޓާ މަރުވީ ތ. ގުރައިދޫ، ފަނާރު، އުމުރުން 22 އަހަރުގެ އިބްރާހީމް ނަބީހު ނަސީމްއެވެ. އެހެންނަމަވެސް އޭނާ މަރުވި ސަބަބެއް ފުލުހުން ހާމައެއް ނުކުރެއެވެ.
މި ޒުވާނާ ތައިލޭންޑު ޖަލުގައި ބަންދުކުރީ މަސްތުވާތަކެތީގެ މައްސަލައެއްގައެވެ. އޭނާ ތައިލޭންޑު ފުލުހުން ހައްޔަރުކުރީ މިދިޔަ މަހުގެ 22 ވަނަ ދުވަހުއެވެ. އޭނާ ހައްޔަރުކޮށްފައިވަނީ އެ ގައުމުގެ ޑޮން މުއަންގް އިންޓަނޭޝަނަލް އެއާޕޯޓުންނެވެ.
މި މައްސަލައިގެ ތަފްސީލެއް ފުލުހުން އަދި ހާމައެއް ނުކުރއެވެ. އެހެންނަމަވެސް ކަމާއި ގުޅޭ އިދާރާތައް މެދުވެރިކޮށް މައްސަލަ ބަލަމުން އަންނަކަމަށް ދިވަހި ފުލުހުންގެ ހިދުމަތުން ބުނެއެވެ.
