މި ދަތުރުތައް ކުރުމަށް ނިންމާފައިވަނީ މިއަދުން ފެށިގެން މި މަހުގެ 19 ގެ ނިޔަލަށެވެ.
އިއްތިހާދު އެއާލައިނުން ސޯޝަލް މީޑިއާގައި ކުރި ޕޯސްޓެއްގައި ބުނީ، އެ އެއާލައިންގެ ދަތުރުތައް އަލުން ފެށުމަށް ނިންމީ ކަމާބެހޭ އިދާރާތަކާ ގުޅިގެން ސަލާމަތީ ގޮތުން ބަލަންޖެހޭ ކަންކަން ފުރިހަމައަށް ކަށަވަރު ކުރުމަށްފަހުގައި ކަމަށެވެ.
މި ދަތުރުތައް ފެށި ނަމަވެސް މިހާރު ޝެޑިއުލްކޮށްފައިވާ ދަތުރުތަކުން ޖާގަ ދެނީ ހަނގުރާމައިގެ ސަބަބުން ކެންސަލްވި ފްލައިޓުތަކުން ދަތުރުކުރަން ތިބި ފަސިންޖަރުންނަށް އިސްކަން ދީގެންނެވެ. އެއާލައިންތަކުން އަންނަނީ ފަސިންޖަރުންނަށް ސީދާ ގުޅައި އެ މައުލޫމާތުތައް ވެސް ފޯރުކޮށްދެމުންނެވެ.
އެގޮތުން ފެބުރުވަރީ 28ގެ ކުރިން ޓިކެޓް ނަގާފައިވާ އަދި 21 މާޗުއާ ހަމައަށް ދަތުރުކުރަން އޮތް ފަރާތްތަކަށް، އެއްވެސް އިތުރު ފީއަކާ ނުލައި 15 މެއި 2026 ގެ ކުރިން ދަތުރުގެ ތާރީހު ބަދަލުކުރެވޭނެ އެވެ.
އަދި މިމަހުގެ 21އާހަމައަށް ދަތުރުކުރަން އޮތް ފަރާތްތަކަށް، ދަތުރު ކެންސަލްކޮށް ރީފަންޑަށް އެދުމުގެ ފުރުސަތު އޮންލައިން ފޯމު މެދުވެރިކޮށް ނުވަތަ ޓްރެވަލް އެޖެންޓުން މެދުވެރިކޮށް ލިބޭނެކަމަށް އެ އެއާލައިނުން ވިދާޅުވެ އެވެ.
މީގެއިތުރުން، ކޯލް ސެންޓަރުތަކަށް ބާރުބޮޑުވެފައިވާތީ، ރީފަންޑަށް އެދޭ ފަރާތްތަކުން އޮންލައިން ފޯމު ބޭނުންކުރުމަށް އެ އެއާލައިނުންވަނީ އެދިފަ އެވެ.
