މި ކައިވެނީގެ އެންމެ ފާހަގަކޮށްލެވުނު ވަގުތުކޮޅަކީ ބޮލީވުޑްގެ ދެ ތަރިން ކަމަށްވާ ޝާހްރުކް ހާން އާއި އާމިރު ހާން އެކުގައި ފެނިގެންދިޔަ ވަގުތުކޮޅެވެ. ސޯޝަލް މީޑިއާގައި އާންމުވި ވީޑިއޯއެއްގައި ފެންނަ ގޮތުން، މި ދެ ތަރިން ވަނީ ވަރަށް ގާތްކޮށް ވާހަކަދައްކައި، ވަކިވުމުގެ ކުރިން އެކަކު އަނެކަކަށް ބައްދާލާފައެވެ.
މި ހަފުލާގައި ބޮލީވުޑްގެ އެންމެ ނުފޫޒުގަދަ އާއިލާ ކަމަށްވާ ބައްޗަން އާއިލާ ވެސް ވަނީ ބައިވެރިވެފައެވެ. ވަކިވާން އުޅޭ ކަމުގެ އަޑުތައް ފެތުރިފައިވާ އަބީޝެކް ބައްޗަން އާއި އައިޝްވަރިޔާ ރާއީ ބައްޗަން މި ހަފުލާއަށް އެކުގައި އައިސް ފޮޓޯތަކަށް ވަނީ ހުއްޓިފައެވެ. މީގެ އިތުރުން އަމީތާބް ބައްޗަން އާއި ޖަޔާ ބައްޗަން ވެސް ވަނީ ހުދު ކުލައިގެ ސަގާފީ ހެދުމުގައި މި ކައިވެނީގައި ބައިވެރިވެފައެވެ.
ކްރިކެޓްގެ ދުނިޔެއިން އެންމެ ފާހަގަކޮށްލެވުނު އެއް ތަރިއަކީ އެމްއެސް ދޯނީއެވެ. ދޯނީ އާއި އޭނާގެ އަންހެނުން ސާކްޝީ މި ހަފުލާއަށް އައީ އެއްގޮތް ކުލަތަކެއްގެ ހެދުމުގައެވެ. އަދި ސަޗިންއާއެކު 2011 ވަނަ އަހަރުގެ ވޯލްޑް ކަޕް ކާމިޔާބުކުރި ޔުވްރާޖް ސިންގް އާއި ހަރްބަޖަން ސިންގް އަދި ޒަހީރު ހާން ވެސް އެމީހުންގެ އާއިލާއާއެކު މި އުފާވެރި ހަފުލާގައި ބައިވެރިވިއެވެ.
