މިއީ މި ދެ ތަރިން އެކުގައި ފެނިގެންދާ ފުރަތަމަ ފަހަރެވެ. އަދި މިއީ 2023 ވަނަ އަހަރު ޝާހުރުކް ހާން އާއެކު ކުޅުނު 'ޖަވާން' އަށްފަހު ބޮލީވުޑްގައި ނަޔަންތާރާ ކުޅޭ ދެވަނަ ފިލްމެވެ.
އިންޑިއާގެ އުތުރާއި ދެކުނުގެ މާކެޓަށް އަމާޒުކޮށްގެން ހަދާ މި ފިލްމުގައި ސަލްމާން ހާން ފެނިގެންދާނީ މުޅިން އާ ގޮތަކަށެވެ. ވަރުގަދަ އެކްޝަން އަދި އިހުސާސްތަކުން ފުރިގެންވާ މި ރޯލަށް ސަލްމާން ތައްޔާރުވަމުން އަންނައިރު، މި ފިލްމުގެ ލުކް އޭނާ މިހާރު ކުޅެމުންދާ 'ބެޓްލް އޮފް ގަލްވާން' އާ ވަރަށް ބޮޑަށް ތަފާތުވާނެއެވެ. ސަލްމާންގެ މި ރޯލަށް ތައްޔާރުވުމަށް ޑައިރެކްޓަރު ވަނީ އެތައް މަހެއް ހޭދަކޮށްފައެވެ.
ބޮޑު ބަޖެޓަކުން އުފައްދާ މި ފިލްމުގެ ޝޫޓިން ފެށުމަށް ހަމަޖެހިފައިވަނީ 2026 ވަނަ އަހަރުގެ އޭޕްރީލް މަހުގެ މެދުތެރޭގައެވެ. ހިންދީ އަދި ސައުތު ފިލްމު އިންޑަސްޓްރީގެ ގިނަ ތަރިންތަކެއް ފެނިގެންދާ މި ފިލްމު ރިލީޒްކުރުމަށް މިހާރު ތާވަލުކޮށްފައިވަނީ 2027 ވަނަ އަހަރުގެ އީދަށެވެ. މިއާއެކު، އީދާ ދިމާކޮށް ސަލްމާން ހާންގެ ފިލްމުތައް ނެރުމުގެ އާދަ މި ފިލްމުންވެސް ދެމެހެއްޓިގެންދާނެއެވެ.
