ސޯޝަލް މީޑިއާ ޕޯސްޓެއްގައި ޝަހީމް ވިދާޅުވީ އެފަދަ ގޮތަކަށް ކްލާސްތައް އިންތިޒާމު ކުރާ ކޮލެޖްތަކުން ތަރާވީޙް ނަމާދަށް ހުރަސް ނޭޅޭ ގޮތައް ގެންދިއުން ވަރަށް މުހިންމު ކަމަށް ދެކެވަޑައިގަންނަވާ ކަމަށެވެ.
މިނިސްޓަރު ޝަހީމް މިކަމާ ކަންބޮޑުވުން ފާޅުކުރެއްވި އިރު ސަރުކާރުގެ ބައެއް އޮފީސްތައް ވެސް ހިމެނޭ ގޮތަށް ތަރާވީސް ނަމާދު ގަޑިއާ ދިމާވާ ގޮތަށް ތަފާތު ކުޅިވަރު މުބާރާތްތައް ވެސް ކުރިއަށް ގެންދާކަން ފާހަގަކުރެވެ އެވެ.
ގިނަ މިސްކިތްތަކުން ތަރާވީޙް ނަމާދުކޮށް ނިމެނީ 21:00 އަށެވެ. އެންމެ އަވަހަށް ކިޔަވާ މިސްކިތްތަކުގައި ވެސް ތަރާވީޙް ނަމާދުކޮށް ނިމެނީ 20:30 ހާއިރެވެ.
ރޯދަމަހަކީ އަޅުކަމުގެ މައްސަރަކަށްވާއިރު، ރޭ އަޅުކަންތައް އަދާކުރަން ދީނުގައި ބާރުއަޅައެވެ. އެ ކަންކަމަށް ވަގުތު ދޭން ސަރުކާރުން އަންނަނީ ރޯދަމަހުގެ ފަހު 10 ސަރުކާރު ވެސް ބަންދުކުރަމުންނެވެ. މި އަހަރު ވެސް މިއަދުން ފެށިގެން ސަރުކާރު ވަނީ ބަންދުކޮށްފަ އެވެ.
